പൊന്നാനി: ബ്ലേഡ് മാഫിയ ഭീഷണിപ്പെടുത്തി കിടപ്പാടം തട്ടിയെടുത്ത സംഭവത്തില് മുഖ്യമന്ത്രിക്കടക്കം പരാതി നല്കിയിട്ടും നടപടിയുണ്ടായില്ലെന്ന് ചെറുകണ്ടശ്ശേരി വത്സരാജന് വാര്ത്താസമ്മേളനത്തില് പറഞ്ഞു. വത്സരാജന് ബാങ്കില് പണയം വെച്ചിരുന്ന 27 സെന്റ് ഭൂമിയാണ് ബ്ലേഡ് മാഫിയ വ്യാജരേഖയുണ്ടാക്കി തട്ടിയെടുത്തത്. 2.5 കോടിയോളം രൂപ വിലവരുന്ന വസ്തുവാണിത്. പലിശക്ക് പണം കടം വാങ്ങിയിരുന്നുവെങ്കിലും മുതലും പലിശയും കൃത്യമായി കൊടുത്തുതീര്ത്തെന്ന് വത്സരാജന് പറയുന്നു. പൊന്നാനി, എടപ്പാള്, ചങ്ങരകുളം, കുമരനെല്ലൂര്, പടിഞ്ഞാറങ്ങാടി തുടങ്ങിയ പ്രദേശങ്ങളില് സമാനമായ പലപരാതികളുയര്ന്നിട്ടും നടപടിയെടുക്കാന് പോലീസ് തയ്യാറായിട്ടില്ല. മാഫിയകളെ സഹായിക്കുന്ന നിലപാടാണ് പോലീസ് സ്വീകരിക്കുന്നതെന്നും ഇത് ഇനിയും തുടര്ന്നാല് ശക്തമായ സമരപരിപാടികള് ആവിഷ്ക്കരിക്കുമെന്നും വാര്ത്താസമ്മേളനത്തില് പങ്കെടുത്ത പി.അബ്ദു, ടി.അയ്യപ്പന്, ബാലന് കണ്ണത്ത്, പി.മുണ്ടിയമ്മ, വല്സരാജന് പൊന്നാനി എന്നിവര് പറഞ്ഞു.
ബ്ലേഡ് മാഫിയ ഭൂമി തട്ടിയെടുത്തു; പരാതി നല്കിയിട്ടും അധികൃതര് നടപടിയെടുത്തില്ല
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.