മലപ്പുറം: സ്വാതന്ത്ര്യദിനാഘോഷത്തിന്റെ തുടര്ച്ചയായി യുവമോര്ച്ചയുടെ നേതൃത്വത്തില് ബൈക്ക് റാലി സംഘടിപ്പിച്ചു.
മലപ്പുറം മണ്ഡലത്തിന്റെ പരിപാടി ബിജെപി ജില്ലാ പ്രസിഡന്റ് കെ.രാമചന്ദ്രന് ജാഥാക്യാപ്റ്റന് പതാക കൈമാറി ഉദ്ഘാടനം ചെയ്തു. ബിജെപി ജില്ലാ ജനറല് സെക്രട്ടറി പി.ആര്.രശ്മില്നാഥ്, മണ്ഡലം പ്രസിഡന്റ് എ.സേതുമാധവന്, പി.കെ.സുധാകരന്, രാജേഷ്, രവികുമാര് എന്നിവര് പങ്കെടുത്തു.
കോട്ടപ്പടിയില് നിന്നും ആരംഭിച്ച റാലി, മണ്ഡലത്തിലെ വിവിധ ഭാഗങ്ങളിലൂടെ സഞ്ചരിച്ച് മലപ്പുറം കലക്ട്രേറ്റ് പടിക്കല് സമാപിച്ചു.
തവനൂര്: മംഗലം പുല്ലൂണിയില് നിന്നും ആരംഭിച്ച തവനൂര് മണ്ഡലത്തിലെ ബൈക്ക് റാലി ബിജെപി മണ്ഡലം പ്രസിഡന്റ് രാജീവ് കല്ലംമുക്ക് ഉദ്ഘാടനം ചെയ്തു. സുനീഷ് കടകശ്ശേരി അദ്ധ്യക്ഷത വഹിച്ചു. അശോകന്, ശ്രീനിവാസന്, നിധീഷ്, അജീഷ് എടപ്പാള്, ഉണ്ണികൃഷ്ണന്, ജിതേഷ്, വി.കെ.സുഭാഷ് എന്നിവര് സംസാരിച്ചു.
