കോട്ടയം: സമ്പൂര്ണ്ണ പാര്പ്പിട പദ്ധതി നടപ്പാക്കിക്കൊണ്ട് ഭവനരഹിതരില്ലാത്ത ഗ്രാമപഞ്ചായത്താകാന് അയര്ക്കുന്നം തയ്യാറെടുക്കുന്നു. അയര്ക്കുന്നം സര്വീസ് സഹകരണ ബാങ്കിന്റെ രണ്ടര കോടി രൂപ ലോണ് വിനിയോഗിച്ചാണ് പദ്ധതി നടപ്പിലാക്കുന്നത്. സ്വന്തമായി വീടില്ലാത്ത 125 പേര്ക്കുള്ള ഭവനനിര്മ്മാണ ധനസഹായ വിതരണം അയര്ക്കുന്നം പഞ്ചായത്ത് ബസ് സ്റ്റാന്റ് മൈതാനത്ത് മുഖ്യമന്ത്രി ഉമ്മന് ചാണ്ടി ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡന്റ് ജോസഫ് ചാമക്കാല അദ്ധ്യക്ഷത വഹിച്ചു. ജില്ലാ പഞ്ചായത്ത് പ്രസിഡന്റ് നിര്മ്മല ജിമ്മി മുഖ്യപ്രഭാഷണം നടത്തി.
ഇതോടനുബന്ധിച്ചു നടന്ന കുടുംബശ്രീ വാര്ഷിക സമ്മേളനം ജോയ് എബ്രഹാം എം.പി ഉദ്ഘാടനം ചെയ്തു. ബി.എ.എസ് പരീക്ഷയില് രണ്ടാം റാങ്ക് നേടിയ അനു ഇട്ടിയ്ക്കും ഹയര് സെക്കന്ററി പരീക്ഷയില് മുഴുവന് വിഷയങ്ങള്ക്കും എ പ്ലസ് നേടിയ എയ്ഞ്ചല് വര്ഗീസിനും മുഖ്യമന്ത്രി അവാര്ഡ് നല്കി. എസ് എസ് എല് സി, പ്ലസ് ടു, ഡിഗ്രി തലങ്ങളില് ഉന്നത നിലവാരം കരസ്ഥമാക്കിയ വിദ്യാര്ത്ഥികള്ക്കുളള അവാര്ഡ് ജില്ലാ പഞ്ചായത്ത് പ്രസിഡന്റ് നിര്മ്മല ജിമ്മി സമ്മാനിച്ചു. പദ്ധതി ഗുണഭോക്താക്കള്ക്കുളള പാസ് ബുക്ക് വിതരണം ജില്ലാ സഹകരണബാങ്ക് പ്രസിഡന്റ് ഫിലിപ്പ് കുഴികുളവും ചെക്ക് വിതരണം അയര്ക്കുന്നം സര്വീസ് സഹകരണ ബാങ്ക് പ്രസിഡന്റ് ജയിംസ് കുന്നപ്പളളിയും നിര്വഹിച്ചു. ബ്ലോക്ക് പഞ്ചായത്ത് പ്രസിഡന്റ് ഷേര്ലി രവീന്ദ്രന്, ജില്ലാ പഞ്ചായത്തംഗങ്ങളായ എന്.ജെ. പ്രസാദ്, അഡ്വ. ഫില്സണ് മാത്യൂസ്, ബ്ലോക്ക് പഞ്ചായത്ത് വൈസ് പ്രസിഡന്റ് കെ.കെ. ജോസഫ്, മറ്റ് ത്രിതല പഞ്ചായത്തംഗങ്ങള്, ഉദ്യോഗസ്ഥര്, വിവിധ രാഷ്ട്രീയപാര്ട്ടി പ്രതിനിധികള് പങ്കെടുത്തു.
