ഡോ. കെ. രാധാകൃഷ്ണനെ ഇന്ന് ഗവര്‍ണര്‍ ആദരിക്കും
കോട്ടയം: മഹാത്മാഗാന്ധി സര്‍വ്വകലാശാലയുടെ ആറാമത് സ്‌പെഷ്യല്‍ കോണ്‍വെക്കേഷനില്‍ ഐ.എസ്.ആര്‍.ഒ മുന്‍ മേധാവി ഡോ.എസ്. രാധാകൃഷ്ണനെ ഡി.എസ്.സി ബിരുദം നല്‍കി ആദരിക്കുന്നു. യൂണിവേഴ്‌സിറ്റി അസംബ്ലി ഹാളില്‍ ഇന്ന് ഗവര്‍ണര്‍ പി. സദാശിവം ബിരുദദാന ചടങ്ങ് നിര്‍വഹിക്കും. വിദ്യാഭ്യാസ വകുപ്പ് മന്ത്രി പി.കെ. അബ്ദുറബ്ബ് ചടങ്ങില്‍ പങ്കെടുക്കും. സ്‌പേസ് സയന്‍സ് ആന്റ് ടെക്‌നോളജി രംഗത്ത് ഡോ. രാധാകൃഷ്ണന്‍ കൈവരിച്ച നേട്ടങ്ങളും മികച്ച സംഭാവനകളും കണക്കിലെടുത്താണ് എം.ജി. സര്‍വകലാശാല അദ്ദേഹത്തെ ആദരിക്കുന്നത്.
