ഇനിയെന്റെ ചോദ്യം പെരുമ്പടവത്തോടാണ്.. ഈ പുസ്തകം (ഭഗവദ്ഗീത) വെറുമൊരു ചൂതാട്ടക്കാരന്റെ കഥയാണെന്ന് ഞാന് പറഞ്ഞാല് അങ്ങേക്ക് അത് സമ്മതിക്കാന് കഴിയുമോ..? വിശ്വമാനവികതയുടെ സന്ദേശം ലോകത്തിന് പ്രദാനം ചെയ്ത പഞ്ചമവേദമെന്ന് ഭാരതീയദര്ശനങ്ങള് വാഴ്ത്തുന്ന ഭഗവദ്ഗീതയെന്ന ഗ്രന്ഥത്തെ കേവലമൊരു യുദ്ധസംഹിതയായി ചിത്രീകരിക്കാന് താങ്കള്ക്ക് എങ്ങനെ സാധിച്ചു..? ലോകരാഷ്ട്രങ്ങളുടെ ഐച്ഛികവിദ്യാഭ്യാസത്തിന്റെ ഭാഗമാകാന് സാധിച്ച ഏക ഗ്രന്ഥം ഗീതയാണെന്ന് അങ്ങേക്കുമറിയാം. ഭഗവദ്ഗീതയെ നെഞ്ചോടുചേര്ത്ത ആല്ബര്ട്ട് ഐന്സ്റ്റീനും നമ്മുടെ രാഷ്ട്രപിതാവും ഉദ്ഘോഷിച്ചത് യുദ്ധംചെയ്യാനായിരുന്നില്ല, അഹിംസസിദ്ധാന്തം അവര് പിന്തുടര്ന്നത് ഗീതയുടെ പ്രേരണമൂലമാണല്ലൊ.. ലോകത്ത് ഭഗവദ്ഗീതവായിച്ച് യുദ്ധത്തിനിറങ്ങിയവര് നിങ്ങളുടെ അറിവിലുണ്ടോ..? പിന്നെന്താണ് ഗീതയില് താങ്കള് ദര്ശിച്ച യുദ്ധാഹ്വാനം. കേവലമൊരു മൂന്നാംകിട നോവലായി ഭഗവദ്ഗീതയേയും താങ്കള് വിലയിരുത്തിയെങ്കില്, ലജ്ജതോന്നുന്നത് മലയാള സാഹിത്യത്തോടാണ്.. കാരണം സാഹിത്യ അക്കാദമിയുടെ അധ്യക്ഷ സ്ഥാനത്ത് അങ്ങയേപോലൊരു വ്യക്തി ഉപവിഷ്ടനായെങ്കില് അത് ദുരവസ്ഥയായി മാത്രമെ കരുതാനാകു..
