ദുഷാന്‍ബെ: ഭീകരതയെ ഒരു സാഹചര്യത്തിലും ന്യായീകരിക്കാന്‍ കഴിയില്ലെന്നും അതിനെ നേരിടുന്നതില്‍ ഇരട്ടത്താപ്പ് പാടില്ലെന്നും പ്രതിരോധ മന്ത്രി രാജ്നാഥ് സിംഗ് പറഞ്ഞു. താജിക്കിസ്ഥാനിലെ ദുഷാന്‍ബെയില്‍ നടന്ന ഷാങ്ഹായ് സഹകരണ സംഘടന (എസ്സിഒ) കൗണ്‍സില്‍ ഓഫ് ഹെഡ്‌സ് ഓഫ് ഗവണ്‍മെന്റിന്‌റെ യോഗത്തില്‍ സംസാരിക്കുകയായിരുന്നു അദ്ദേഹം. ഭീകരര്‍ക്ക് ധനസഹായം നല്‍കുകയോ പിന്തുണയ്‌ക്കുകയോ സുരക്ഷിത താവളങ്ങള്‍ ഒരുക്കുകയോ ചെയ്യുന്നവര്‍ക്ക് ഒരു സ്ഥാനവും ഉണ്ടാകരുത്. പാകിസ്ഥാന് വിദേശകാര്യ മന്ത്രിയും ഉപപ്രധാനമന്ത്രിയുമായ ഇഷാഖ് ദാറിന്റെ സാന്നിധ്യത്തിലാണ് രാജ്നാഥ് സിംഗ് ഇക്കാര്യം വ്യക്തമാക്കിയത്.
വികസനത്തിന് ഏറ്റവും ഗുരുതരമായ ഭീഷണിയാണ് ഭീകരത. അത് ജീവനെടുക്കുക മാത്രമല്ല, നിക്ഷേപത്തെയും വ്യാപാരത്തെയും പ്രതികൂലമായി ബാധിക്കുകയും ചെയ്യും. ഭീകരവാദം സമൂഹങ്ങളെ തീവ്രവാദവല്‍ക്കരിക്കുന്നു, നമ്മുടെ യുവാക്കള്‍ക്ക് അര്‍ഹമായ അവസരങ്ങള്‍ നിഷേധിക്കുകയും ചെയ്യുന്നു. പ്രതിരോധ മന്ത്രി ചൂണ്ടിക്കാട്ടി.
രാജ്നാഥ് സിംഗ് ഇഷാഖ് ദാറിന് എതിര്‍വശത്ത് ഇരിക്കുന്നതിന്റെ വീഡിയോ പാകിസ്ഥാന് വിദേശകാര്യ മന്ത്രാലയം സോഷ്യല്‍ മീഡിയയില്‍ പങ്കിട്ടിട്ടുണ്ട്.
പാക് ഉപപ്രധാനമന്ത്രിയെ വേദിയിലിരുത്തി രാജ്നാഥ് സിംഗ് പറഞ്ഞു: ഭീകരതക്കെതിരെ ഇരട്ടത്താപ്പ് വേണ്ട!
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
