തിരുവനന്തപുരം: കണ്ണൂരിലെ പ്രതിഷേധത്തില്‍ ഗണ്‍മാന്‍ എസ്‌ഐടിക്ക് നല്‍കിയ മൊഴി പുറത്തുവന്ന സാഹചര്യത്തില്‍ മുന്‍മന്ത്രി വീണാ ജോര്‍ജിനെതിരെ കേസെടുക്കണമെന്ന് ആവശ്യപ്പെട്ട് കെഎസ്യു സംസ്ഥാന അധ്യക്ഷന്‍ അലോഷ്യസ് സേവ്യര്‍ ഡിജിപിക്ക് പരാതി നല്‍കി.
വീണാ ജോര്‍ജ് പൊതുസമൂഹത്തെ തെറ്റിദ്ധരിപ്പിച്ചതായി പരാതിയില്‍ പറയുന്നു. കള്ളമൊഴി നല്‍കാന്‍ ഗണ്‍മാനെ നിര്‍ബന്ധിച്ച
വീണാ ജോര്‍ജിന് എതിരെ വഞ്ചനാ കുറ്റം ചുമത്തണമെന്നും കെഎസ്യു ആവശ്യപ്പെട്ടു.
ജനാധിപത്യ സംവിധാനത്തില്‍ പൊതുപ്രവര്‍ത്തകര്‍ ജനങ്ങളോട് സത്യസന്ധതയും ഉത്തരവാദിത്വവും പുലര്‍ത്തേണ്ടത് അനിവാര്യമാണ്.
തന്നെ കെഎസ്യു പ്രവര്‍ത്തകര്‍ മാരകായുധങ്ങള്‍ ഉപയോഗിച്ച് ശാരീരികമായി ആക്രമിച്ചെന്നു വ്യാജ മൊഴി കൊടുക്കുകയും, തന്റെ ഗണ്‍മാനെ കൊണ്ട് വ്യാജ മൊഴി കൊടുപ്പിക്കുകയും ചെയ്ത് വീണാ ജോര്‍ജ് പൊതുസമൂഹത്തെ കബളിപ്പിച്ചുവെന്നും നിയമവ്യവസ്ഥയെ തെറ്റിദ്ധരിപ്പിച്ചുവെന്നും പരാതിയില്‍ പറയുന്നു.
