തിരുവനന്തപുരം:കോവളത്ത് സ്പായില്‍ 16കാരി പീഡിപ്പിക്കപ്പെട്ട കേസില്‍ അറസ്റ്റിലായ തിരുവനന്തപുരം കോര്‍പ്പറേഷനിലെ ഹെല്‍ത്ത് ഇന്‍സ്‌പെക്ടര്‍ അനുരൂപിനെ സസപ്ന്‍ഡ് ചെയ്തു.മേയര്‍ വി വി രാജേഷാണ് ഇക്കാര്യം അറിയിച്ചത്.
ഉള്ളൂര്‍ സോണല്‍ ഓഫീസിലെ ഹെല്‍ത്ത് ഇന്‍സ്പെക്ടറാണ് പിടിയിലായ അനുരൂപ്.കോവളത്തെ ഡ്രീം സ്പാ അനുരൂപിന്റെ ബിനാമി സ്ഥാപനമാണെന്ന് നേരത്തെ അന്വേഷണ ഉദ്യോഗസ്ഥര്‍ കണ്ടെത്തിയിട്ടുണ്ട്. സ്പാ പീഡനത്തില്‍ അറസ്റ്റിലായ നിശാന്തിനെ ബിനാമിയാക്കിയായിരുന്നു അനുരൂപ് സ്പാ നടത്തിയിരുന്നത്.സ്പായിലെ വരുമാനം അനുരൂപിന്റെ അക്കൗണ്ടലേക്കാണ് പോയിരുന്നത്. ദിവസം 25000 രൂപ വരെ വരുമാനം കിട്ടിയിരുന്നു.സ്പായുടെ വാടക കരാര്‍ നിഷാന്തിന്റെ പേരിലാണ്.
ആന്ധ്രപ്രദേശ് സ്വദേശിനിയായ പതിനാറുകാരിയെ ഇളയമ്മയും ഭര്‍ത്താവുമാണ് കോവളത്തെ സ്പായില്‍ വിറ്റത്.ഇവരെ പിടികൂടിയിട്ടുണ്ട്. കുട്ടിയുടെ മാതാപിതാക്കള്‍ നേരത്തേ മരിച്ചു പോയിരുന്നു.
