തിരുവനന്തപുരം:ആന്ധ്രപ്രദേശ് സ്വദേശിനി പതിനാറുകാരി പീഡനത്തിനിരയായ സംഭവത്തില്‍ കോവളത്തെ ഡ്രീംസ് സ്പാ ബിനാമി അറസ്റ്റില്‍.തിരുവനന്തപുരം നഗരസഭ ഹെല്‍ത്ത് ഇന്സ്പെക്ടര് ആയ അനുരൂപാണ് അറസ്റ്റിലായത്.
ഉളളൂര്‍ സെക്ഷന്‍ ഓഫീസിലെ ജൂനിയര്‍ ഹെല്‍ത്ത് ഇന്‍സ്‌പെക്ടറാണ് അനുരൂപ്.ഡ്രീംസ് സ്പാ നടത്തിയിരുന്നത് ഇയാളുടെ സുഹൃത്താണെങ്കിലും ലഭിക്കുന്ന പണമെല്ലാം ഇയാളുടെ അക്കൗണ്ടിലേക്കാണ് വന്നിരുന്നതെന്ന് കണ്ടെത്തി.
പെണ്‍കുട്ടി ഏറ്റവും ഒടുവിലായി താമസിച്ചിരുന്നത് ഡ്രീംസ് സ്പായിലായിരുന്നു.ഈ സ്ഥാപനം നടത്തിയിരുന്ന ആയുര്‍വേദ ഡോക്ടറില്‍ നിന്ന് പാട്ടത്തിനെടുത്താണ് അനുരുപ് സ്ഥാപനം നടത്തുന്നത് എന്നാണ് വിവരം.
പീഡനത്തിനിരയായ പെണ്‍കുട്ടിയുടെ ഇളയമ്മയും ഭര്‍ത്താവും പിടിയിലായിട്ടുണ്ട്. നടന്നത് മനുഷ്യ കടത്ത് എന്നാണ് പൊലീസ് പറയുന്നത്. പെണ്‍കുട്ടി നേരിട്ടത് അതിക്രൂര പീഡനം എന്നും റിമാന്‍ഡ് റിപ്പോട്ടില്‍ പറയുന്നു. കമ്മീഷന്‍ വ്യവസ്ഥയിലായിരുന്നു ഇളയമ്മയും ഭര്‍ത്താവും പെണ്‍കുട്ടിയെ സ്പാകളില്‍ കാഴ്ചവച്ചത്. ഓരോ ചൂഷണത്തിനും കമ്മീഷന്‍ പറ്റിയിരുന്നു. ലൈംഗികവൃത്തിക്ക് സമ്മതിക്കാത്തതോടെ രഹസ്യ ഭാഗങ്ങളിലടക്കം തീവെച്ച് പൊള്ളിച്ചു. പെണ്‍കുട്ടിയുടെ ശരീരത്തില്‍ ഒട്ടേറെ പൊള്ളലേറ്റ പാടുകളുണ്ടെന്ന് റിമാന്‍ഡ് റിപ്പോര്‍ട്ടിലുണ്ട്.
