കൊച്ചി: ഈയിടെ നടി ലെന സിസിടിവിയില്‍ ഒരു മനുഷ്യ രൂപം കണ്ടു. ഒരു മനുഷ്യരൂപത്തെ തിരിച്ചറിഞ്ഞു എന്ന് സിസിടിവിയില്‍ നിന്നും അറിയിപ്പുണ്ടായി എന്നാണ് ലെന മാധ്യമങ്ങളോട് പറഞ്ഞത്. അങ്ങിനെ വീണ്ടും ഒരു പാരാനോര്‍മല്‍ അനുഭവം പങ്കുവെച്ചിരിക്കുകയാണ് നടി ലെന.
മനുഷ്യരൂപം സിസിടിവിയില്‍ കണ്ട സമയം 3 മണി 33 മിനിറ്റ് മൂന്ന് സെക്കന്‍റില്‍ എത്തി നില്‍ക്കുമ്പോഴാണ്. 3 എന്ന അക്കം ആവര്‍ത്തിച്ചുവരുന്നതിനെ എയ്ഞ്ചല്‍ നമ്പേഴ്സ് എന്ന് വിളിക്കുന്നു. അഥവാ മാലാഖ അക്കങ്ങള്‍ എന്നാണ് വിളിക്കുന്നത്. ആത്മീയവും ദൈവികവുമായ സംഖ്യയാണിത്. ബൈബിളിലെ പഴയനിയമത്തിലെ ഇരുപത്തിനാലാമത്തെ പുസ്തകവും വലിയ പ്രവാചകന്മാരിൽ രണ്ടാമത്തെയാളുമാണ് യിരേമ്യാവും 3,33 എന്ന സംഖ്യയെക്കുറിച്ച് പറയുന്നു. ഇതിനുസരിച്ച് “നീ എന്നെ അന്വേഷിക്കൂ, ഞാന്‍ നിനക്ക് ഉത്തരം അരുളും” എന്നാണ് ബൈബിള്‍ പഴയ നിയമത്തിലെ യിരേമ്യാവ് പറയുന്നു.
ആത്മീയമായ അന്വേഷണ തൃഷ്ണ ഉള്ള നടിയായ ലെന മറ്റൊരു പാരാനോര്‍മല്‍ അനുഭവമാണ് പങ്കുവെച്ചതോടെ ഇതിനെതിരെ ഇടത് ജിഹാദി യുക്തിവാദി സംഘങ്ങള്‍ സമൂഹമാധ്യമങ്ങളില്‍ ആഞ്ഞടിക്കുകയാണ്.
എന്നാല്‍ ഈ ഇടത്, ജിഹാദി, യുക്തിവാദി സംഘങ്ങള്‍ക്കെതിരെ ലെന പ്രതികരിക്കുന്നു. നമുക്ക് കാണാൻ പറ്റാത്ത അല്ലെങ്കില്‍ തെളിയിക്കാൻ പറ്റാത്ത ഒരുപാട് കാര്യങ്ങള്‍ ലോകത്തുണ്ടെന്ന് ലെന ചൂണ്ടിക്കാട്ടി. “ആദ്യമായിട്ട് ഭൂമി ഉരുണ്ടതാണെന്ന് പറഞ്ഞപ്പോള്‍ എന്താണ് നേരിട്ടിട്ടുള്ളത്? സൂര്യനെ ഭൂമി ചുറ്റുകയാണ്, ഭൂമിയെ സൂര്യൻ ചുറ്റുകയല്ല എന്ന് പറയുമ്പോള്‍ ഉണ്ടാകുന്ന റിയാക്ഷൻ എന്താണ്? ഏതൊരു കാര്യവും ആദ്യമായി പറയുമ്പോള്‍ അല്ലെങ്കില്‍ അതുവരെ തെളിവുകളില്ല എങ്കില്‍ ഉടനെയുള്ള ആളുകളുടെ റിയാക്ഷൻ തെളിവുള്ള കാര്യങ്ങള്‍ മാത്രം അറിഞ്ഞാല്‍ മതി എന്നാണ്,” ലെന പറഞ്ഞു.
പ്രേതമുണ്ടോ ഇല്ലയോ എന്നതിനെച്ചൊല്ലി വലിയൊരു വിഷയം തന്നെ നിലനില്‍ക്കുന്നുണ്ടെന്നും ലെന പറയുന്നു. “പ്രേതങ്ങളെ കണ്ട കുറേ ആള്‍ക്കാർ, അതിനൊപ്പമുള്ള അനുഭവങ്ങളുമായി… പാരസൈക്കോളജി, ഇഎസ്പി എന്നൊക്കെ തുടങ്ങി വലിയൊരു വിഷയമുണ്ട്. എന്നാല്‍ ഇതൊന്നും കാണുകയോ സംസാരിക്കുകയോ വിശ്വസിക്കുകയോ ചെയ്യാത്ത ഒരു വിഭാഗവുമുണ്ട്. ഈ രണ്ട് വിഭാഗങ്ങള്‍ തമ്മില്‍ എന്തിനാണ് തല്ലുകൂടുന്നത്? ,” ലെന പറയുന്നു.
