തിരുവനന്തപുരം:ചിറയിന്കീഴില് കോണ്ഗ്രസുകാര് തമ്മില് ഉണ്ടായ കയ്യാങ്കളിയില്, രമ്യ ഹരിദാസ് എം എല് എയ്ക്കെതിരെ നടപടി വേണമെന്ന് സംഘര്ഷമുണ്ടായ വീടിന്റെ ഉടമയും കോണ്ഗ്രസ് ബ്ലോക്ക് സെക്രട്ടറിയുമായ സജാദ്.തന്നെ എന്തിനാണ് സസ്പെന്ഡ് ചെയ്തതെന്ന് അറിയില്ല. എല്ലാ കാര്യവും അന്വേഷണ സമിതിയെ അറിയിച്ചിട്ടും സസ്പെന്ഡ് ചെയ്യുകയായിരുന്നുവെന്ന് സജാദ് പറഞ്ഞു.
അച്ചടക്കമുള്ള പാര്ട്ടി പ്രവര്ത്തകന് എന്ന നിലയില് പാര്ട്ടിയില് തന്നെ തുടരും. രമ്യ ഹരിദാസിനെതിരെ പൊലീസില് പരാതി നല്കിയിട്ടുണ്ട്. എന്നാല് ഇതുവരെയും കേസെടുത്തിട്ടില്ല.എംഎല്എയ്ക്കെതിരെ കേസെടുത്ത് അന്വേഷിക്കണം എന്ന് സജാദ് കൂട്ടിച്ചേര്ത്തു.
രമ്യ ഹരിദാസ് എംഎല്എയും പ്രാദേശിക കോണ്ഗ്രസ് നേതാക്കളും തമ്മിലുണ്ടായ വാക്കുതര്ക്കവും കയ്യാങ്കളിയും പാര്ട്ടിയ്ക്ക് പൊതുമധ്യത്തില് അവമതിപ്പുണ്ടാക്കിയെന്നാണ് വിലയിരുത്തല്. ഇരുവിഭാഗത്തിനെതിരെയും കെ പി സി സി നേതൃത്വം സ്വീകരിച്ച നടപടി ഇതിന്റെ ഭാഗമാണ്.
മണ്ഡലത്തിലെ വിഷയങ്ങളില് രമ്യാഹരിദാസിന്റെ സന്തത സഹചാരി പാളയം പ്രദീപിന്റെ ഇടപെടലാണ് പ്രാദേശിക കോണ്ഗ്രസ് നേതാക്കളുമായുളള തര്ക്കത്തിന് കാരണം.പാളയം പ്രദീപ് തന്റെ സ്റ്റാഫില് ഉള്പ്പെട്ട ആളെന്ന രമ്യാ ഹരിദാസിന്റെ വാദം കളവാണെന്നാണ് കണ്ടെത്തല്.
