ന്യൂദല്ഹി: ശ്രീകൃഷ്ണ ജയന്തി ആഘോഷങ്ങളുടെ (ജന്മാഷ്ടമി) ഭാഗമായി ഇന്ന് (04-09-2026) വെള്ളിയാഴ്ച രാജ്യത്തെ പ്രമുഖ നഗരങ്ങളിലെ ബാങ്ക് ശാഖകൾക്ക് അവധിയായിരിക്കുമെന്ന് റിസർവ് ബാങ്ക് ഓഫ് ഇന്ത്യ (ആർബിഐ) അറിയിച്ചു.
അഹമ്മദാബാദ്, ചണ്ഡീഗഡ്, ചെന്നൈ, ഹൈദരാബാദ്, ജയ്പൂർ, കോൽക്കത്ത, ലഖ്നൗ, പാറ്റ്ന, റായ്പൂർ, ഷില്ലോംഗ്, തിരുവനന്തപുരം, കൊച്ചി തുടങ്ങി വിവിധ സംസ്ഥാനങ്ങളിലെ പ്രധാന ബാങ്കിംഗ് കേന്ദ്രങ്ങളിലാണ് അവധി പ്രഖ്യാപിച്ചിരിക്കുന്നത്. അതേസമയം മുംബൈ, ബംഗളൂരു, ഡൽഹി, ഗോവ തുടങ്ങിയ മേഖലകളിൽ വെള്ളിയാഴ്ച ബാങ്കുകൾ പതിവുപോലെ പ്രവർത്തിക്കും. നേരിട്ടുള്ള ശാഖാ സേവനങ്ങൾ ലഭ്യമല്ലെങ്കിലും യുപിഐ, നെറ്റ് ബാങ്കിംഗ്, എടിഎം സർവീസുകൾ തടസമില്ലാതെ ലഭ്യമായിരിക്കും.
