ന്യൂദല്ഹി: മുന് മുഖ്യമന്ത്രി പിണറായി വിജയനും അദ്ദേഹത്തിന്റെ കുടുംബാംഗങ്ങളും കുറ്റാരോപിതരായിട്ടുള്ള എസ്എഫ്ഐഒ, ഇഡി അന്വേഷണത്തില് ദുരൂഹമായ മൗനമാണ് മുഖ്യമന്ത്രി വിഡി സതീശന് അവലംബിക്കുന്നതെന്ന് ബിജെപി ദേശീയ സെക്രട്ടറി കെ. സുരേന്ദ്രന് പറഞ്ഞു. പിണറായി വിജയനെ അറസ്റ്റ് ചെയ്യാത്തത് ബിജെപിയും സിപിഎമ്മും തമ്മിലുള്ള ഡീലിന്റെ ഭാഗമായിട്ടാണ് എന്ന ബാലിശമായ ആരോപണം ഉന്നയിച്ച അന്നത്തെ പ്രതിപക്ഷ നേതാവ് , ഇഡി അന്വേഷണം ശക്തമായി മുന്നോട്ട് പോവുകയും നിരവധി ഗുരുതരമായ തെളിവുകളും കണ്ടെത്തലുകളും പുറത്തുവരികയും ചെയ്യുമ്പോഴും മുഖ്യമന്ത്രി എന്നുള്ള നിലയില് പ്രതികരിക്കുന്നില്ല. ഈ കേസ് ശരിയായ നിലയില് മുന്നോട്ട് പോയാല് പിണറായി വിജയനും കുടുംബാംഗങ്ങളും മാത്രമല്ല യുഡിഎഫിലെ പല പ്രമുഖരായിട്ടുള്ള നേതാക്കള്ക്കും അന്വേഷണത്തെ നേരിടേണ്ടി വരും. അങ്ങനെയുള്ള ഭയാശങ്കയാണ് ഇങ്ങനെ ഒരു മൗനം അവലംബിക്കാന് സതീശനെ പ്രേരിപ്പിക്കുന്നത് എന്നാണ് ബിജെപിയുടെ നിലപാട്.
നൂറുകണക്കിന് കോടി രൂപയാണ് കരിമണല് കര്ത്ത യുഡിഎഫിന്റെയും എല്ഡിഎഫിന്റെയും നേതാക്കള്ക്ക് കോഴയായി നല്കിയിരിക്കുന്നത്. മാത്രമല്ല യുഡി എഫ് മന്ത്രിസഭയിലെ അംഗങ്ങള് പോലും തുടര്ച്ചയായി കരിമണല് കമ്പനിയില് നിന്ന് കോഴ വാങ്ങിയിരുന്നു എന്നതാണ് സത്യം. ആ സത്യം പുറത്തുവരും എന്നുള്ള ഭയാശങ്കയാണ് മൗനം അവലംബിക്കാന് കാരണം- സുരേന്ദ്രന് പറഞ്ഞു.
