തിരുവനന്തപുരം: പത്രപ്രവര്ത്തകന് കെഎം ബഷീര് കൊല്ലപ്പെട്ട കേസില് സ്പെഷ്യല് പബ്ലിക് പ്രോസിക്യൂട്ടറെ നിയമിക്കാന് സര്ക്കാര് തീരുമാനം.സ്പെഷ്യല് പബ്ലിക് പ്രോസിക്യൂട്ടറായി അഡ്വ സന്തോഷിനെ നിയമിക്കും.
സ്പെഷ്യല് പ്രോസിക്യൂട്ടറെ നിയമിക്കണമെന്ന് ബഷീറിന്റെ ഭാര്യ ഹൈക്കോടതിയോട് ആവശ്യപ്പെട്ടിരുന്നു.നിലവില് കേസില് വിചാരണ നടക്കുകയാണ്.
2019 ആഗസ്റ്റ് മൂന്നിന് പുലര്ച്ചെ ഒരു മണിയോടെയാണ് തിരുവനന്തപുരം മ്യൂസിയത്തിന് സമീപം വച്ച് ഐ എ എസ് ഉദ്യോഗസ്ഥനായ ശ്രീറാം വെങ്കിട്ടരാമന് ഓടിച്ച കാറിടിച്ച് മാധ്യമപ്രവര്ത്തകന് കെഎം ബഷീര് കൊല്ലപ്പെട്ടത്.തിരുവനന്തപുരം സ്വദേശിനി വഫ ഫിറോസിന്റെ പേരിലുള്ള വാഹനമോടിച്ചത് വഫ ഫിറോസാണെന്ന് വരുത്തി തീര്ക്കാനായിരുന്നു ശ്രീറാം വെങ്കിട്ടരാമന്റെ ശ്രമം.വഫ ഫിറോസും അപകടമുണ്ടാക്കിയ കാറിലുണ്ടായിരുന്നതിനാല് പൊലീസും ആദ്യം ശ്രീറാം വെങ്കിട്ടരാമന്റെ വാദം ശരിവച്ചു.എന്നാല്, ദൃക്സാക്ഷികളും മാധ്യമപ്രവര്ത്തകരും ഇടപെട്ടതോടെ ശ്രീറാം വെങ്കിട്ടരാമന്റെയും പൊലീസിന്റെയും നീക്കം പൊളിഞ്ഞു.
