തൃശൂര്‍: കുന്നംകുളം പാറേമ്പാടത്ത് നിയന്ത്രണം വിട്ട സ്വകാര്യ ബസ് നിരവധി വാഹനങ്ങളിലിടിച്ച് രണ്ട് മരണം.മരിച്ചവരില്‍ ഒരാള്‍ പ്ലസ് ടു വിദ്യാര്‍ത്ഥിനിയായ റിയാ ഫാത്തിമ ആണ് . ഏഴ് പേര്‍ക്കാണ് പരിക്കേറ്റത്. ഇതില്‍ രണ്ട് പേരുടെ നില ഗുരുതരം.
കുറ്റിപ്പുറം – തൃശൂര്‍ റൂട്ടിലോടുന്ന ബസ് ആണ് അപകടത്തില്‍പ്പെട്ടത്. നിയന്ത്രണം വിട്ട ബസ് കാറും ഓട്ടോയും ബൈക്കും ഉള്‍പ്പടെ 5 വാഹനങ്ങളിടിച്ച് തെറിപ്പിച്ചു.
മാരുതി ഇക്കോ വാഹനത്തിലാണ് വിദ്യാര്‍ഥിനി സഞ്ചരിച്ചിരുന്നത്.ബൈക്ക് യാത്രികനായ ജോബിക്കും ഗുരുതര പരിക്കുണ്ട്. ഇയാളെ സ്വകാര്യ ആശുപത്രിയിലേക്ക് മാറ്റി. കുന്നംകുളം താലൂക്ക് ആശുപത്രിയിലും ഒരാള്‍ ചികിത്സയില്‍ ഉണ്ട്.
