ശ്രീഗനര്‍: ജമ്മു കശ്മീരിലെ കുല്‍ഗാമില്‍ ഭീകരാക്രമണത്തില്‍ ഒരാള്‍ കൊല്ലപ്പെട്ടു.രണ്ട് ഇതര സംസ്ഥാന തൊഴിലാളികള്‍ക്ക് നേരെയാണ് ഭീകരര്‍ വെടിയുതിര്‍ത്തത്. പരിക്കേറ്റ ഒരാള്‍ അനന്ത്നാഗിലെ ഗവണ്‍മെന്റ് മെഡിക്കല്‍ കോളേജ് ആശുപത്രിയില്‍ ചികിത്സയിലാണ്. ദക്ഷിണകശ്മീരിലെ കുല്‍ഗാമില്‍ കെല്ലാം മേഖലയിലാണ് വെള്ളിയാഴ്ച വൈകുന്നേരത്തോടെ ആക്രമണം ഉണ്ടായത്. ജൂലായ് 22-ന് ശേഷം ദക്ഷിണ കശ്മീരില്‍ രണ്ടാമത്തെ ആക്രമണമാണിത്.
മൂന്ന് ഭീകരരാണ് ആക്രമണം നടത്തിയത്.സുരക്ഷാ സേന ആക്രമണം നടന്ന സ്ഥലം വളഞ്ഞു.അക്രമികളെ കണ്ടെത്താന്‍ തെരച്ചില്‍ ശക്തമാക്കി.
ജൂലായ് 22-ന് ദക്ഷിണ കശ്മീരിലെ അനന്ത്നാഗില്‍ അമര്‍നാഥ് യാത്രയുടെ സുരക്ഷാ ചുമതലയിലുണ്ടായിരുന്ന ഒരു പൊലീസുദ്യോഗസ്ഥനെ ഭീകരര്‍ വെടിവെച്ചു കൊന്നിരുന്നു.തുടര്‍ന്ന്, സംശയകരമായ സാഹചര്യത്തില്‍ സുരക്ഷാ സേന നിരവധി പേരെ കസ്റ്റഡിയിലെടുത്തു.ദക്ഷിണ കശ്മീരിലെ സജീവ തീവ്രവാദികളുടെ കുടുംബങ്ങള്‍ താമസിച്ചിരുന്ന രണ്ട് വീടുകള്‍ തകര്‍ക്കുകയും ചെയ്തു.
