ന്യൂഡൽഹി : പാറ്റാ പാർട്ടിയ്ക്ക് സാമ്പത്തിക സഹായം നൽകുമെന്ന് നിരോധിക്കപ്പെട്ട ഖലിസ്ഥാൻ ഭീകരൻ ഗുർപത്വന്ത് സിംഗ് പന്നുൻ . പ്രധാനമന്ത്രി നരേന്ദ്ര മോദിയുടെ സർക്കാരിനെതിരെ നടത്തുന്ന ‘അഞ്ചാം തലമുറ യുദ്ധമുറ’യുടെ ഭാഗമായാണ് ഈ പിന്തുണയെന്നാണ് പന്നൂന്റെ പ്രഖ്യാപനം.
കാനഡയിലെ എഡ്‌മണ്ടനിൽ സംസാരിക്കവെ, CJP-യുടെ പ്രതിഷേധങ്ങൾക്ക് SFJ പിന്തുണ നൽകുമെന്നും സമരത്തിനായി പണം നൽകുമെന്നും പന്നുൻ പറഞ്ഞു. മോദി സർക്കാരിനെതിരായ എതിർപ്പിനൊപ്പം, ഇന്ത്യയുടെ സാമ്പത്തിക താൽപ്പര്യങ്ങളെയും ലക്ഷ്യമിടുന്നു എന്ന സൂചന നൽകിക്കൊണ്ട്, വിദേശ നിക്ഷേപകരോട് ഇന്ത്യയിൽ നിന്നുള്ള തങ്ങളുടെ നിക്ഷേപം പിൻവലിക്കാനും പന്നൂൻ ആവശ്യപ്പെട്ടു.
CJP-യുടെ പ്രതിഷേധങ്ങൾക്ക് SFJ നൽകുന്ന പിന്തുണ, ഇന്ത്യയിലെ സർക്കാർ വിരുദ്ധ പ്രക്ഷോഭങ്ങളെ സ്വാധീനിക്കാൻ വിദേശ ശക്തികൾ ശ്രമിക്കുന്നതിലെ അപകടസാധ്യതകളെ എടുത്തുകാണിക്കുന്നു.
കൂടാതെ, ലോകമെമ്പാടുമുള്ള സിഖ് യുവാക്കളോട് ആയുധ പരിശീലനം നേടാൻ പന്നുൻ ആഹ്വാനം ചെയ്തു. ഇതിനെ ‘നിയമാനുസൃതമായ സമുദായ പ്രതിരോധം’ എന്നാണ് പന്നൂൻ വിശേഷിപ്പിച്ചത്. സിജെപി (CJP) പ്രതിഷേധങ്ങൾക്ക് പിന്തുണ പ്രഖ്യാപിക്കുന്ന പന്നുന്റെ വീഡിയോ, ബിജെപി എംപി നിഷികാന്ത് ദുബെ ‘എക്സ്’ (X) പ്ലാറ്റ്‌ഫോമിൽ പങ്കുവെച്ചു.
“ഡൽഹിയിൽ പ്രതിഷേധിക്കുന്നവരുടെ യഥാർത്ഥ മുഖം ഇതാണോ? ഇവർ ദേശസ്നേഹികളോ അതോ രാജ്യദ്രോഹികളോ? തീരുമാനിക്കേണ്ടത് നിങ്ങളാണ്.”എന്നും ദുബെ പറയുന്നു.
