ന്യൂദല്ഹി: സിജെപി ജന്തര്മന്തറില് സമരം ആരംഭിക്കുമ്പോള് രാഹുല്ഗാന്ധി വിദേശത്തായിരുന്നു. പ്രിയങ്ക ഗാന്ധി ദല്ഹിയില് ഉണ്ടായിരുന്നെങ്കിലും തിരിഞ്ഞുനോക്കിയിട്ടുപോലുമില്ല.
പ്രതിപക്ഷ പാര്ട്ടികള് ആരും കോക്രോച്ച് ജനതാ പാര്ട്ടിയുടെ സമരത്തിനോ സോനം വാങ്ചുകിന്റെ സമരത്തിനോ ഐക്യദാര്ഢ്യം പ്രഖ്യാപിച്ച് പ്രതിപക്ഷ പാര്ട്ടിനേതാക്കളായ രാഹുല് ഗാന്ധിയോ, സമാജ് വാദി പാര്ട്ടിയുടെ അഖിലേഷ് യാദവോ അതല്ലെങ്കില് ആര്ജെഡിയുടെ തേജസ്വി യാദവോ തൃണമൂലിന്റെ മമതയോ അവിട പോയിട്ടില്ല.
സോനം വാങ്ചുകിനെ അറസ്റ്റ്ചെയ്ത് നീക്കിയപ്പോള് പാര്ലമെന്റില് അവതരിപ്പിക്കാന് കഴിയുന്ന ഒരു വിഷയം എന്ന നിലയ്ക്കാണ് കോണ്ഗ്രസും മറ്റ് പ്രതിപക്ഷ പാര്ട്ടികളും ഈ സിജെപി സമരത്തെ ഏറ്റെടുത്തത്. പാര്ലമെന്റിന്റെ ശീതകാല സമ്മേളനം തുടങ്ങുന്ന ഘട്ടത്തില് രാഷ്ട്രീയമുതലെടുപ്പിനാണ് ഇവിടെ പോയത്.
സിജെപി പ്രതിഷേധത്തില് വിദ്യാര്ത്ഥികള് അണിചേരുന്നു എന്ന് തോന്നിയ ഘട്ടത്തില് സമരത്തിന്റെ നേതൃത്വം പിടിച്ചെടുക്കാനായിരുന്നു രാഹുല് ഗാന്ധിയും പ്രിയങ്കയും ചേര്ന്ന് പ്രധാനമന്ത്രിയുടെ വീടിന് മുന്നില് സമരം തുടങ്ങിയത്.
