പാലക്കാട്: ഓപ്പറേഷന്‍ തൂഫാന്റെ ഭാഗമായി വാഹന പരിശോധന നടത്തിയ പൊലീസിന് നേരെ ആക്രമണം. പൊലീസുകാരി ഉള്‍പ്പെടെ മൂന്നുപേര്‍ക്ക് പരിക്കേറ്റു.വാഹനത്തില്‍ മദ്യപിച്ച് വരികയായിരുന്ന സംഘമാണ് ആക്രമിച്ചത്. സംഭവത്തില്‍ മണ്ണാര്‍ക്കാട് സ്വദേശി ജിഗേഷ് അടക്കം നാലുപേരെ പൊലീസ് കസ്റ്റഡിയിലെടുത്തു.
വ്യാഴാഴ്ച വൈകിട്ട് ആറരയോടെ പഴംപുള്ളിയില്‍ വച്ച് ഹേമാംബിക നഗര്‍ പൊലീസ് സ്റ്റേഷനിലെ വനിത പൊലീസ് ഉള്‍പ്പെടെ മൂന്നു പൊലീസുകാര്‍ മലമ്പുഴ ഭാഗത്തുനിന്ന് വന്ന കാര്‍ തടഞ്ഞ് പരിശോധിച്ചപ്പോഴാണ് യാത്രക്കാര്‍ പൊലീസുകാരെ ആക്രമിച്ചത്.വാഹനം പരിശോധിക്കണമെന്ന് പറഞ്ഞപ്പോള്‍ ‘നീ പോടാ’ എന്ന് പറഞ്ഞ് തള്ളുകയും മര്‍ദ്ദിക്കുകയുമായിരുന്നുവെന്ന് എസ്‌ഐ പറഞ്ഞു.വാഹനത്തിലും മദ്യം ഉണ്ടായിരുന്നു.ആക്രമണത്തില്‍ എസ്‌ഐയുടെ കണ്ണട പൊട്ടി.
