പത്തനംതിട്ട: പുളികീഴില്‍ മൂന്ന് വര്‍ഷം മുമ്പ് കുട്ടിയുടെ മൃതദേഹം ചതുപ്പില്‍ കുഴിച്ചിട്ട നിലയില്‍ കണ്ടെത്തിയ സംഭവം കൊലപാതകം.ആണ്‍സുഹൃത്ത് കുട്ടിയെ ശ്വാസം മുട്ടിച്ച് കൊലപ്പെടുത്തിയതാണെന്ന് അമ്മ മൊഴി നല്‍കി. മൂന്ന് വയസുളള കുട്ടിയാണ് കൊല്ലപ്പെട്ടത്.
മൂന്ന് വര്‍ഷങ്ങള്‍ക്ക് ശേഷമാണ് കുട്ടിയുടെ അമ്മയായ നാടോടി സ്ത്രീയെ പൊലീസ് പിടികൂടിയത്.കഴിഞ്ഞയാഴ്ച പാലക്കാട് വച്ച് നാടോടി സ്ത്രീകള്‍ തമ്മിലുണ്ടായ വഴക്കിനിടെയാണ് കുട്ടിയുടെ മരണത്തെക്കുറിച്ച് അമ്മ വെളിപ്പെടുത്തുന്നത്. വിവരം അറിഞ്ഞ പൊതു പ്രവര്‍ത്തകന്‍ കാര്യം പൊലീസിനെ അറിയിക്കുകയായിരുന്നു.
ചെങ്ങന്നൂരില്‍ വച്ച് ആണ്‍സുഹൃത്തുമായി ലൈംഗിക ബന്ധത്തില്‍ ഏര്‍പ്പെടുമ്പോള്‍ കുഞ്ഞ് കരഞ്ഞതാണ് പ്രകോപനമായത്. ദേഷ്യത്തില്‍ ആണ്‍സുഹൃത്ത് കുട്ടിയെ ശ്വാസം മുട്ടിച്ച് കൊലപ്പെടുത്തിയെന്ന് സ്ത്രീ പൊലീസിനോട് പറഞ്ഞു. തുടര്‍ന്ന് ആണ്‍സുഹൃത്തിന്റെ സഹായത്തോടെ മൃതദേഹം പുളിക്കീഴിലെ ചതുപ്പില്‍ കുഴിച്ചിട്ടു. പ്രതിയായ ആണ്‍സുഹൃത്തിനായി പൊലീസ് അന്വേഷണം തുടങ്ങി.
