തിരുവനന്തപുരം: അയോധ്യരാമക്ഷേത്രത്തിലെ സംഭാവനാത്തട്ടിപ്പുമായി ബന്ധപ്പെട്ട് ഹിന്ദുവിശ്വാസികളുടെ തല കുനിയുന്നതിന് സാഹചര്യം സൃഷ്ടിച്ച ഒരാളെയും വെറുതെ വിടരുതെന്നും അതിന് ഉത്തര്പ്രദേശ് മുഖ്യമന്ത്രി യോഗി ആദിത്യനാഥിന് സാധിയ്ക്കുമെന്നും ബിജെപി യുവനേതാവ് യുവരാജ് ഗോകുല്. ഫെയ്സ്ബുക്ക് കുറിപ്പിലാണ് യുവരാജ് ഗോകുല് ഇക്കാര്യം പറഞ്ഞത്.
യുവരാജ് ഗോകുലിന്റെ ഫെയ്സ്ബുക്ക് കുറിപ്പ്:
ശ്രീരാമന് എന്നത് എനിക്ക് കേവലം ഒരു ദേവനെന്നതിനപ്പുറം എന്റെ നിത്യജീവിതത്തില് വലിയ സ്ഥാനമുള്ള ഒരാളാണ്…. വിശദമായി പറയാന് ബുദ്ധിമുട്ടുണ്ട്….അയോധ്യ വിഷയം മറ്റാരെക്കാളും വേദനിപ്പിക്കുന്ന ഒരു ഭക്തനുമാണ് ഞാന്….അഞ്ച് നൂറ്റാണ്ട് പോരാടി നേടിയെടുത്തത് കേവലം ചിലരുടെ അത്യാര്ത്തി മൂലം ഒരു സമൂഹം മുഴുവന് തലകുനിയേണ്ട സാഹചര്യമുണ്ടാകുന്നത് അങ്ങേയറ്റം ദൗര്ഭാഗ്യകരമാണ്….
സംവാദങ്ങളില് എനിക്കെന്നും പ്രിയപ്പെട്ടതും അയോധ്യ വിഷയത്തില് കോടതിവിധി രാത്രി ഉറക്കമിളച്ചിരുന്നു പഠിച്ച് പോയി നടത്തിയ സംവാദങ്ങളുമാണ്…. അത് ശ്രീരാമനുള്ള അര്പ്പണമായി ആണ് അന്നും ഇന്നും കണ്ടത്….ആ ഞങ്ങള്ക്ക് തല കുനിയുന്നതിന് ഒരു സാഹചര്യം സൃഷ്ടിച്ച ഒരാളെയും വെറുതെ വിടരുത്…. യോഗി എന്ന ഈ മനുഷ്യനില് അങ്ങേയറ്റത്തെ വിശ്വാസമുണ്ട്…. ഓരോ ദിവസവും SIT പുറത്ത് വിടുന്ന വിവരങ്ങള് കാണുംബോള് മനസ്സിലാകുന്നത് ദയാദാക്ഷണ്യം കാണിക്കാത്ത അന്വേഷണം എന്ന് തന്നെയാണ്….
200 കിലോ വെള്ളി ഉള്പ്പെടെ ആദ്യം സംശയം ഉയര്ന്ന കാര്യങ്ങളെല്ലാം സുരക്ഷിതമാണെന്ന് SIT കണ്ടെത്തിയിട്ടുണ്ട്….കാണിക്ക ഇടുന്ന സംഭാവനയിലാണ് തിരിമറി നടന്നിരിക്കുന്നത്…. അതൊരു ഒഴുക്കന് മട്ടില് അന്വേഷിച്ച് ഏതേലും രണ്ട് പേരില് നിര്ത്താനുള്ള മട്ടില്ല എന്നതാണ് SIT അന്വേഷണം സൂചിപ്പിക്കുന്നത്…. കാരണം ഭൂമി ഇടപാടുള്പ്പെടെ എല്ലാ മേഖലയും അന്വേഷിക്കുന്നുണ്ട്…. ഇനി ഒരാളും ഇത്തരം തെമ്മാടിത്തരം നടത്താന് ധൈര്യപ്പെടാത്ത അന്വേഷണം ഉണ്ടാകണം…. ശി.ക്ഷ.യും ഉണ്ടാകണം….
തട്ടിപ്പ് നടത്തിയ ക.ള്ള.ന്മാര്ക്ക് വേണ്ടി വാദിക്കാന് ബാര് അസോസിയേഷന് തയ്യാറായില്ല എന്നത് തന്നെ അതിശക്തമായ സന്ദേശമാണ്…. സാമൂഹ്യമായ ഒറ്റപ്പെടലാണ് പ്രതികളെ കാത്തിരിക്കുന്നത്….
ചമ്പത്ത് റായിയെ പോലുള്ള ആള്ക്കാര് വ്യക്തിജീവിതത്തില് പുലര്ത്തിയ സുതാര്യത അഡ്മിനിസ്ട്രേഷന് എഫിഷ്യന്സിയിലും കാണിക്കണമായിരുന്നു…. നേതൃത്വത്തില് ഉള്ളവര് കണ്ണും പൂട്ടി ചിലരെ വിശ്വസിക്കും പിന്നെ അവരെ കുറിച്ച് ആരോപണങ്ങള് കേട്ടാല് വിശ്വസിക്കുകയേ ഇല്ല എന്ന നിലപാട് ശരിയല്ല….
അവസാനം ഇത് പോലെ സമാജം മുഴുവന് തല കുനിയേണ്ട സാഹചര്യം വരുംബോള് പരിതപിച്ചിട്ട് കാര്യവുമില്ല….
ശ്രീരാമന് ധര്മ്മമാണ്…. അധര്മ്മം ഒടുങ്ങേണ്ടതാണ് ആ സവിധത്തില്…. അതുകൊണ്ട് ഇത് മുളയിലേ നുള്ളാനാകുന്നു…. കുറേ വര്ഷങ്ങള്ക്ക് ശേഷമാണ് ഇത് പുറത്ത് വന്നതെങ്കില് തട്ടിപ്പിന്റെ വ്യാപ്തി ചിന്തിക്കാവുന്നതിനും അപ്പുറമായേനെ…മാതൃകയാകണം ഈ സംഭവത്തിന്റെ അനന്തരനടപടികള്…. അതിന് യോഗി ജി ക്ക് സാധിക്കും….
