ന്യൂദല്ഹി: ദക്ഷിണ ഭാരതത്തിലോടുന്ന വന്ദേഭാരത് എക്സ്പ്രസുകള് വരുമാനത്തിലും യാത്രക്കാരുടെ എണ്ണത്തിലും ചരിത്രം രചിക്കുന്നു. കേരളം, തമിഴ്നാട് കര്ണാടക, ആന്ധ്രാപ്രദേശ് എന്നീ സംസ്ഥാനങ്ങളെ ബന്ധിപ്പിച്ച് ഓടുന്ന 24 വന്ദേഭാരത് എക്സ്പ്രസുകളില് 2025 – 2026ല് 77.38 ലക്ഷം പേരാണ് യാത്ര ചെയ്തത്.
ഇതുവഴിയുള്ള വരുമാനം 803.86 കോടി രൂപയാണെന്ന് ദക്ഷിണ റെയില്വേ പത്രക്കുറിപ്പില് അറിയിച്ചു. 2024-2025ല് ഇത് 54.12 ലക്ഷം യാത്രക്കാരും 540.65 കോടി രൂപയും ആയിരുന്നു. മംഗലാപുരം തിരുവനന്തപുരം, ചെന്നൈ എഗ്മോര് നാഗര്കോവില്, കാസര്കോട്, തിരുവനന്തപുരം വന്ദേഭാരത് ട്രെയിനുകളില് എല്ലായ്പ്പോഴും നൂറു ശതമാനമാണ് യാത്രക്കാരുടെ എണ്ണം. ഈ സാമ്പത്തിക വര്ഷത്തെ ആദ്യ രണ്ടു മാസം (ഏപ്രില്, മെയ്) തന്നെ യാത്രക്കാരുടെ എണ്ണം 15.21 ലക്ഷം പിന്നിട്ടു, വരുമാനം 162. 96 കോടി.
