തിരുവനന്തപുരം: കോടതി സംരക്ഷണ ഉത്തരവ് പുറപ്പെടുവിച്ചത് ലംഘിച്ച്, വീട്ടില് അതിക്രമിച്ചുകയറി ഭാര്യയെയും പ്രായപൂര്ത്തിയാകാത്ത മകളെയും ക്രൂരമായി മര്ദിച്ച ആള് പൊലീസ് പിടിയിലായി.രാജന് നെറ്റോ (47) എന്നയാളെ തുമ്പ പൊലീസ് ആണ് അറസ്റ്റ് ചെയ്തത്.
കുടുംബത്തെ ആക്രമിക്കുന്നതിനാല് പ്രതിക്കെതിരെ കോടതിയില് നിന്നും പ്രൊട്ടക്ഷന് ഓര്ഡര് നിലവിലുണ്ടായിരുന്നു.ഇത് മറികടന്നാണ് പ്രതി വീട്ടില് അതിക്രമിച്ചുകയറി ആക്രമണം നടത്തിയത്.
പ്രതി ഭാര്യയെയും പ്രായപൂര്ത്തിയാകാത്ത മകളെയും അസഭ്യം പറയുകയും ക്രൂരമായി മര്ദിക്കുകയും ചെയ്തു.തുമ്പ പൊലീസ് സ്റ്റേഷനിലെ റൗഡി ലിസ്റ്റിലുള്ളയാളാണ് രാജന് നെറ്റോ.ഇയാള്ക്കെതിരെ തുമ്പ സ്റ്റേഷനില് തന്നെ എട്ടോളം ക്രിമിനല് കേസുകള് നിലവിലുണ്ട്. പ്രതിയെ കോടതിയില് ഹാജരാക്കി റിമാന്ഡ് ചെയ്തു.
