സനാ: യെമന് തീരത്ത്നിന്ന് അജ്ഞാത സംഘം എണ്ണക്കപ്പല് തട്ടിക്കൊണ്ടുപോയി. ഏദന് ഉള്ക്കടലില് വെച്ചാണ് യുറേക്ക എന്ന ടോഗോ പതാകയുള്ള എണ്ണക്കപ്പല് കടല്ക്കൊള്ളക്കാര് തട്ടിക്കൊണ്ടുപോയത്.
കപ്പല് നിലവില് സൊമാലിയന് തീരത്തേക്ക് നീങ്ങിക്കൊണ്ടിരിക്കുകയാണെന്ന് യെമന് കോസ്റ്റ് ഗാര്ഡ് അറിയിച്ചു. കപ്പല് വീണ്ടെടുക്കാനുള്ള നടപടികള് ആരംഭിച്ചിട്ടുണ്ടെന്ന് അധികൃതര് അറിയിച്ചു.
ആക്രമണകാരികള് കപ്പലില് അതിക്രമിച്ച് കയറി, നിയന്ത്രണം ഏറ്റെടുത്ത് സൊമാലിയ തീരത്തേക്ക് തിരിച്ചുവിടുകയായിരുന്നു. കപ്പല് തട്ടിയെടുത്ത വിവരം സോമാലിയന് അധികൃതരും സ്ഥിരീകരിച്ചിട്ടുണ്ട്. നിലവില് കപ്പലില് എത്ര ജീവനക്കാരുണ്ടെന്നോ അവരുടെ പേരു വിവരങ്ങളോ പുറത്തുവിട്ടിട്ടില്ല. 10 ദിവസത്തിനിടെ ഇത് രണ്ടാമത്തെ സംഭവമാണ്. കഴിഞ്ഞ മാസം 22ന് ഓണര് 25 എന്ന എണ്ണ ടാങ്കര് കടല്ക്കൊള്ളക്കാര് തട്ടിയെടുത്തിരുന്നു. മൊഗാദിഷുവിലേക്ക് 18,500 ബാരല് എണ്ണയുമായി പോവുകയായിരുന്നു കപ്പല്.
