യുദ്ധം കടുക്കുമോ?: സൗദിയുടെ മദീനയിലെ ഈസ്റ്റ്-വെസ്റ്റ്് പൈപ്‌ലൈൻ യെമനി ഹൂതികൾ ആറിടത്ത് തകർത്തു

മദീന (സൗദി അറേബ്യ): അമേരിക്ക- ഇറാൻ സംഘർഷം തുടരുന്നതിനിടെ, മദീനയുടെ തെക്കുകിഴക്ക് ഭാഗത്തുള്ള സൗദി അറേബ്യയുടെ ‘ഈസ്റ്റ്-വെസ്റ്റ് പൈപ്‌ലൈൻ’ ഇടനാഴി ഹൂതി വിമതർ ആക്രമിച്ചതായി വള്ളിയാഴ്ച മാധ്യമ റിപ്പോർട്ടുകൾ വരുന്നു.

സൗദി അധികൃതർ ആക്രമണം ഇതുവരെ സ്ഥിരീകരിച്ചിട്ടില്ലെങ്കിലും, ഉപഗ്രഹ ചിത്രങ്ങൾ വിശകലനം ചെയ്ത വിദഗ്ധരും നിരീക്ഷകരും ആക്രമണം നടന്നതായി സ്ഥിരീകരിക്കുന്നു. സോഷ്യൽ മീഡിയയിൽ വ്യാപകമായ ചിത്രങ്ങളിൽ, ‘മഹ്ദ് അദ്-ദഹാബ്’ (Mahd adh-Dhahab) ഭാഗത്തേക്കുള്ള ‘പെട്രോലൈൻ’ ാതയ്‌ക്ക് സമീപം വലിയ പുകപടലം ഉയരുന്നത് കാണാം.

‘ഗൾഫ് തീരത്തെ അബ്ഖൈഖിൽനിന്ന് ചെങ്കടലിലെ യാൻബുവിലേക്ക് അസംസ്‌കൃത എണ്ണ എത്തിക്കുന്ന സൗദി അറേബ്യയുടെ ഈസ്റ്റ്-വെസ്റ്റ് പൈപ് ലൈൻ ഹൂതികൾ ആക്രമിച്ചതായി മനസ്സിലാക്കുന്നു. പാതയിലെ ആറ് വ്യത്യസ്ത സ്ഥലങ്ങളിൽ ഒരേസമയം തീപ്പിടിത്തം കണ്ടെത്തി. ഉപഗ്രഹ ചിത്രങ്ങളിലും വലിയ പുകപടലങ്ങൾ കാണാം,’ ഈജിപ്ത് ആസ്ഥാനമായുള്ള നിരീക്ഷണ കേന്ദ്രങ്ങൾ പുറത്തുവിട്ട ചിത്രങ്ങളിലും ഇതു കാണാം.

എന്നിരുന്നാലും, ഈ ചിത്രങ്ങൾ സംബന്ധിച്ച് സൗദിയുടെ ഔദ്യോഗിക വിശദീകരണമൊന്നും വന്നിട്ടില്ല.

‘പെട്രോലൈൻ’ എന്നും അറിയപ്പെടുന്ന ഈസ്റ്റ്-വെസ്റ്റ് പൈപ് ലൈൻ ഇടനാഴി സൗദി അറേബ്യയെ സംബന്ധിച്ചിടത്തോളം അതീവ നിർണായകമാണ്. അമേരിക്ക-ഇറാൻ സംഘർഷം തുടങ്ങിയതുമുതൽ തടസ്സപ്പെട്ട ‘ഹോർമുസ് കടലിടുക്കിന്’പകരമുള്ള ബദൽ മാർഗ്ഗം ഈ പൈപ് ലൈൻ ആണ്. 1,200 കിലോമീറ്ററിലധികം നീളമുള്ള ഈ പൈ??ലൈനിൽ 13 പമ്പിംഗ് സ്റ്റേഷനുകളുണ്ട്; പ്രതിദിനം ഏകദേശം 7 ദശലക്ഷം ബാരൽ എണ്ണ കൈമാറ്റം ചെയ്യാനുള്ള ശേഷി ഇതിനുണ്ട്.

ചെങ്കടലിലെ പ്രധാന ദ്വീപ് ഹൂതികൾ പിടിച്ചു

യെമൻ ആസ്ഥാനമായുള്ള ഹൂതികൾ സൗദി അറേബ്യയെ നിരന്തരം ലക്ഷ്യമിടുകയും, ‘ബാബ് അൽ-മൻദബ്’ കപ്പൽപ്പാതയുടെ മധ്യത്തിലുള്ള ‘പെരിം’ എന്നറിയപ്പെടുന്ന ചെങ്കടൽ ദ്വീപ് കൈയടക്കുകയും ചെയ്തു. റിയാദുമായുള്ള സംഘർഷം നിലനിൽക്കെ, സൗദി അറേബ്യയിൽ നിന്നുള്ള കപ്പലുകളെ ലക്ഷ്യമിടുമെന്ന് ഇറാൻ പിന്തുണയുള്ള ഈ സംഘം മുന്നറിയിപ്പ് നൽകിയിട്ടുണ്ട്.

‘സർക്കാർ സേന പിൻവാങ്ങിയതിനെത്തുടർന്ന് സായുധരായ ഹൂതി പോരാളികൾ സഞ്ചരിച്ച ബോട്ടുകൾ ‘മയ്യുൻ’ദ്വീപിലെത്തി,’ എന്ന് പ്രാദേശിക സർക്കാർ ഉദ്യോഗസ്ഥനെ ഉദ്ധരിച്ച് വാർത്താ ഏജൻസിയായ എഎഫ്പി പറയുന്നു. ‘ബാബ് അൽ-മൻദബ് മേഖലയുടെയും കടലിടുക്കിന്റെ മധ്യഭാഗത്തായി സ്ഥിതി ചെയ്യുന്ന മയ്യുൻ ദ്വീപിന്റെയും നിയന്ത്രണം ഹൂതികൾ പൂർണ്ണമായും ഏറ്റെടുത്തു കഴിഞ്ഞു,’ എന്നാണ് വിശദീകരണം. ഹൂതികളെ നേരിടാൻ ബുദ്ധിമുട്ടുന്ന സൗദി അറേബ്യ, ഇറാന്റെ പിന്തുണയുള്ള ഈ വിഭാഗത്തെ ലക്ഷ്യമിട്ട് ആക്രമണം നടത്താൻ അമേരിക്കയോട് അഭ്യർത്ഥിച്ചിരുന്നു. എന്നാൽ, സൗദി കിരീടാവകാശി മുഹമ്മദ് ബിൻ സൽമാന്റെ ഈ ആവശ്യം പ്രസിഡന്റ് ഡൊണാൾഡ് ട്രംപ് നിരസിച്ചതായി ‘ആക്‌സിയോസ്’ വാർത്താ ഏജൻസി റിപ്പോർട്ട് ചെയ്യുന്നു. ഹൂതികളെക്കുറിച്ചുള്ള രഹസ്യാന്വേഷണ വിവരങ്ങളും ആക്രമണത്തിനാവശ്യമായ വിവരങ്ങളും വാഷിംഗ്ടൺ സൗദിക്ക് കൈമാറുമെന്ന് റിപ്പോർട്ടിൽ പറയുന്നുണ്ട്; കൂടാതെ, ‘ആക്രമണപരമല്ലാത്ത പിന്തുണ’നൽകുന്നതിനായി ഇരുനൂറിലധികം യുഎസ് സൈനികർ ഇതിനകം തന്നെ സൗദിയിലുണ്ട്.