ന്യൂദൽഹി: അരവിന്ദ് കെജ്രിവാൾ അഴിമതിയുടെ പര്യായമായി മാറിയിരിക്കുന്നുവെന്ന് ദൽഹി ബിജെപി പ്രസിഡന്റ് വീരേന്ദ്ര സച്ച്ദേവ. ആം ആദ്മി പാർട്ടിയുടെ 7 രാജ്യസഭാ എംപിമാർ ബിജെപിയിൽ ചേർന്നതിനെ കുറിച്ചും വീരേന്ദ്ര സച്ച്ദേവ വാചാലനായി
“ഇത് സ്വാഭാവികമായിരുന്നു. അവരുടെ ചില എംപിമാരും ചേരുന്നുണ്ട്, അതിനാൽ ഞങ്ങൾ അവരെ സ്വാഗതം ചെയ്യുന്നു. അരവിന്ദ് കെജ്രിവാൾ അഴിമതിയുടെ പര്യായമായി മാറിയിരിക്കുന്നു. ദൽഹിയിൽ കൊള്ളയടിച്ചാണ് അദ്ദേഹം ഭരിച്ചത്, ഇപ്പോൾ പഞ്ചാബിൽ അത് ചെയ്യുന്നു. പഞ്ചാബിലെ ജനങ്ങൾക്ക് വേണ്ടി ചെലവഴിക്കേണ്ട പണം അദ്ദേഹം ഗുജറാത്തിലെയും ഗോവയിലെയും രാഷ്ട്രീയത്തിനായി ഉപയോഗിക്കുന്നു.” – വീരേന്ദ്ര സച്ച്ദേവ പറഞ്ഞു.
അതേ സമയം തന്നെ രാജിവച്ച എഎപി രാജ്യസഭാ എംപി രാഘവ് ഛദ്ദയും മറ്റ് രണ്ട് എംപിമാരും ദൽഹിയിലെ ബിജെപി ഓഫീസിലെത്തി. നേരത്തെ രാഘവ് ഛദ്ദ, അശോക് മിത്തൽ, സന്ദീപ് പഥക് എന്നിവർ ബിജെപിയിൽ ചേർന്നിരുന്നു. ബിജെപി അവരെ മധുരം നൽകിയാണ് സ്വീകരിച്ചത്.
