ബംഗളുരു : കര്ണാടകയില് ബി ജെ പി പ്രവര്ത്തകനെ വധിച്ച കേസില് കോണ്ഗ്രസ് എം എല് എയ്ക്ക് ജീവപര്യന്തം തടവ്. ധാര്വാഡ് എംഎല്എ വിനയ് കുല്ക്കര്ണിക്കാണ് ജീവപര്യന്തം തടവ് ശിക്ഷ വിധിച്ചത്.
വിധിപ്പകര്പ്പ് ലഭിച്ചാലുടന് അയോഗ്യതാ ഉത്തരവ് പുറപ്പെടുവിക്കുമെന്ന് സ്പീക്കറുടെ ഓഫീസ് അറിയിച്ചു. 2016 ജൂണ് 15 നാണ് ധാര്വാഡില് ബിജെപി ജില്ലാ പഞ്ചായത്ത് അംഗമായ യോഗേഷ് ഗൗഡ കൊല്ലപ്പെട്ടത്. ഗൗഡയെ കൊല ചെയ്യാന് വിനയ് വാടക കൊലയാളികളെ ഏര്പ്പെടുത്തിയെന്ന് സി ബി ഐയുടെ കുറ്റപത്രത്തില് പറയുന്നു. വിനയ് കുല്ക്കര്ണിയെയും മറ്റ് 16 പേരെയും ബെംഗളൂരുവിലെ പ്രത്യേക കോടതിയാണ് ജീവപര്യന്തം തടവിന് ശിക്ഷിച്ചത് .
വിക്രം ബല്ലാരി, കീര്ത്തി കുമാര് ബസവരാജ് കുറഹട്ടി, സന്ദീപ് സൗദത്തി, വിനായക കടഗി, മഹാബലേശ്വര് ഹോംഗല് എന്ന മുദുക, സന്തോഷ് സൗദത്തി, ദിനേശ് എം., അശ്വത്, സുനില്, നസീര് അഹമ്മദ്, ഷഹനവാസ്, നൂതന്, ഹര്ഷിത്, ചന്ദ്രശേഖര് ഇണ്ടി, വിക കല്ബുര്ഗി, ബി ചന്ദ്രശേഖകര് ഇണ്ടി എന്നിവരാണ് ശിക്ഷിക്കപ്പെട്ട മറ്റുള്ളവര്.
