തിരുവനന്തപുരം: പ്രധാനമന്ത്രി നരേന്ദ്രമോദിയുടെ സന്ദര്ശനത്തോട് അനുബന്ധിച്ച് ഇന്ന് തിരുവനന്തപുരം നഗരത്തില് ഗതാഗത നിയന്ത്രണം. ഉച്ചയ്ക്ക് 11.30 മുതല് രാത്രി ഏഴുമണിവരെയാണ് നിയന്ത്രണമേര്പ്പെടുത്തിയിരിക്കുന്നത്.
പ്രധാനമന്ത്രിയുടെ യാത്രാ റൂട്ടിലെ ഇരുവശങ്ങളിലും വാഹന പാര്ക്കിംഗ് കര്ശനമായി നിരോധിച്ചു. പാര്ക്കിംഗ് നിയമം ലംഘിക്കുന്ന വാഹനങ്ങള് റിക്കവറി വാഹനം ഉപയോഗിച്ച് നീക്കം ചെയ്യും. വിമാനത്താവളം, തമ്പാനൂര്, ചാക്ക, കിളളിപ്പാലം ഉള്പ്പെടെയുളള പ്രധാന റോഡുകളില് ഗതാഗതം വഴിതിരിച്ചുവിടും.
ഉച്ചയ്ക്ക് രണ്ടുമണി മുതല് നാലുമണി വരെയും വൈകീട്ട് ആറുമണി മുതല് ഏഴുമണി വരെയും ശംഖുമുഖം- എയര്പോര്ട്ട് റൂട്ടില് വാഹനങ്ങള് അനുവദിക്കില്ല. ഡൊമസ്റ്റിക് എയര്പോര്ട്ടിലേക്ക് പോകുന്നവര് ചാക്ക-ഈഞ്ചക്കല്- വലിയതുറ വഴി യാത്ര ക്രമീകരിക്കണം. യാത്രക്കാര് മുന്കൂട്ടി സമയം ക്രമീകരിക്കണമെന്ന് സിറ്റി പോലീസ് നിര്ദേശം നല്കി. വിവരങ്ങള്ക്കായി പോലീസ് ഹെല്പ്പ് ലൈന് നമ്പറുകള് പുറത്തുവിട്ടു: 0471 2558731, 9497930055
