തിരുവനന്തപുരം: കേരള ചരിത്രത്തില് പുതിയ അധ്യായം കുറിക്കുന്ന തെരഞ്ഞെടുപ്പായി ഇത്തവണത്തെ നിയമസഭ തെരഞ്ഞെടുപ്പ് മാറുമെന്ന് മുന് കേന്ദ്രമന്ത്രിയും കഴക്കൂട്ടം നിയമസഭാ മണ്ഡലത്തിലെ എന്ഡിഎ ബിജെപി സ്ഥാനാര്ത്ഥിയുമായ വി.മുരളീധരന്.
2047ല് ഇന്ത്യയെ വികസിത രാഷ്ട്രമാക്കണമെന്ന പ്രധാനമന്ത്രിയുടെ ലക്ഷ്യം സാക്ഷാത്കരിക്കാനും കേരളത്തെ വികസനത്തിന്റെ പാതയിലേക്ക് നയിക്കാനും ഈ ഫലം കാരണമാകും.
കഴക്കൂട്ടം ഉള്പ്പെടെയുള്ള നിരവധി മണ്ഡലങ്ങളില് ബിജെപിയുടെയും എന്ഡിഎയുടെയും സ്ഥാനാര്ഥികള് വിജയിച്ച് നിയമസഭയില് എത്തുമെന്ന കാര്യത്തില് സംശയമില്ല. വോട്ട് രേഖപ്പെടുത്തിയ ശേഷം മാധ്യമങ്ങളെ കണ്ടപ്പോഴാണ് അദ്ദേഹം ഇങ്ങനെ പറഞ്ഞത്.
ഉള്ളൂര് കൊട്ടാരം ബൂത്തില് എത്തിയാണ് വി മുരളീധരന് വോട്ടവകാശം വിനിയോഗിച്ചത്.
മണ്ഡലത്തിലെ വിവിധ ബൂത്തുകളിലും സ്ഥാനാര്ത്ഥി സന്ദര്ശനം നടത്തി.
