കൊച്ചി: കേരളത്തില് നിന്നും 20 ലക്ഷത്തിന്റെ സ്വര്ണവുമായി കടന്നുകളഞ്ഞ പ്രതികളെ ആന്ഡമാന് ദ്വീപുകളിലെ കാട്ടില് നിന്നും തൃക്കാക്കര പൊലീസ് പിടികൂടി.കാക്കനാട് സെസിലെ ആമി എക്സ്പോര്ട്ട്സ് എന്ന സ്ഥാപനത്തില് നിന്നാണ് സ്വര്ണവുമായി പ്രതികള് കടന്നുകളഞ്ഞത്.
പശ്ചിമ ബംഗാള് സ്വദേശികളായ മൂന്ന് പേരാണ് പ്രതികളെന്ന് കണ്ടതോടെ തൃക്കാക്കര പൊലീസ് അന്വേഷണം ശക്തമാക്കി. ആന്ഡമാന് നിക്കോബാര് ദ്വീപുകളിലെ വനമേഖലയില് പ്രതികളുണ്ടെന്ന് കണ്ടെത്തിയതോടെ കൊച്ചി സിറ്റി പൊലീസ് കമ്മീഷണറുടെ നേരിട്ടുള്ള മേല്നോട്ടത്തില് സാഹസികമായ നീക്കത്തിലൂടെ പ്രതികളെ വലയിലാക്കുകയായിരുന്നു.
മോഷ്ടിച്ച സ്വര്ണവുമായി വനത്തില് ഒളിവില് കഴിയുകയായിരുന്നു ഇവര്. പ്രതികളില് നിന്ന് തൊണ്ടിമുതലും സ്വര്ണം വിറ്റ പണവും പിടിച്ചെടുത്തിട്ടുണ്ട്.
