തിരുവനന്തപുരം: യൂണിവേഴ്‌സിറ്റി ഹോസ്റ്റലിലെ പൊലീസ് നടപടിയില്‍ സംസ്ഥാനത്ത് വിവിധ ഇടങ്ങളില്‍ യൂത്ത് കോണ്‍ഗ്രസ് ,ഡിവൈഎഫ്‌ഐ പ്രതിഷേധം .കോഴിക്കോട് ബിജെപി പ്രതിഷേധത്തിനിടെ പ്രവര്‍ത്തകര്‍ ബാരിക്കേഡിന് മുകളില്‍ കയറി പ്രതിഷേധിച്ചു. പൊലീസ് ജലപീരങ്കി പ്രയോഗിച്ചു.
തിരുവനന്തപുരത്ത് സെക്രട്ടറിയേറ്റിലേക്ക് സിപിഎം- ഡിവൈഎഫ്‌ഐ -എസ്എഫ്‌ഐ പ്രവര്‍ത്തകര്‍ സംയുക്ത മാര്‍ച്ച് നടത്തി.പ്രകടനത്തിനെത്തിയ എത്തിയ രണ്ട് എസ്എഫ്‌ഐക്കാരെ കന്റോണ്‍മന്റ് പൊലീസ് ആക്രമിച്ചു എന്ന് ആരോപണം ഉന്നയിച്ച് പൊലീസുകാരെ വടികള്‍ കൊണ്ടും മറ്റും പ്രതിഷേധക്കാര്‍ ആക്രമിച്ചു.
കണ്ണൂരില്‍ ഡിവൈഎഫ്‌ഐ പ്രതിഷേധത്തിനിടെ കോണ്‍ഗ്രസിന്റെ ഫ്‌ലക്‌സ് ബോര്‍ഡുകള്‍ നശിപ്പിച്ചു.എറണാകുളത്ത് യൂത്ത് കോണ്‍ഗ്രസ് പ്രതിഷേധത്തിന്റെ ഭാഗമായി പ്രവര്‍ത്തകര്‍ മഹാരാജാസ് കോളേജിന്റെ മെന്‍സ് ഹോസ്റ്റലിലേക്ക് കയറാന്‍ ശ്രമിച്ചു.പൊലീസ് തടഞ്ഞതോടെ പ്രവര്‍ത്തകര്‍ പിരിഞ്ഞുപോയി.
ആലപ്പുഴയില്‍ രമേശ് ചെന്നിത്തലയുടെ ക്യാമ്പ് ഓഫീസിലേക്ക് എസ്എഫ്‌ഐ പ്രതിഷേധ പ്രകടനം നടത്തി.ബാരിക്കേഡ് മറിച്ചിടാന്‍ ശ്രമിച്ച പ്രവര്‍ത്തകരും പൊലീസും തമ്മില്‍ വാക്കേറ്റമുണ്ടായി.
കാസര്‍ഗോഡ് തൃക്കരിപ്പൂര്‍ നടക്കാവില്‍ മന്ത്രി ഒ ജെ ജനീഷിനെ ഡിവൈഎഫ്‌ഐ പ്രവര്‍ത്തകര്‍ തടഞ്ഞു. യുഡിഎഫ് – എല്‍ഡിഎഫ് പ്രവര്‍ത്തകര്‍ തമ്മില്‍ കയ്യാങ്കളി ഉണ്ടായി.
