കൊച്ചി: വോട്ടര്‍പട്ടികയില്‍ പേരില്ലാത്തതിനാൽ നടി ലക്ഷ്മിപ്രിയയെ സ്ഥാനാര്‍ത്ഥിയാകുന്നില‍് നിന്നും ഒഴിവാക്കി ട്വന്‍റി ട്വന്‍റി. പകരം പെരുമ്പാവൂരിൽ ലക്ഷ്മിപ്രിയയ്‌ക്ക് പകരം മറ്റൊരു സ്ഥാനാര്‍ത്ഥിയെ പ്രഖ്യാപിച്ചു. കോൺഗ്രസ് മുൻ നേതാവാണ് ട്വന്‍റി ട്വന്‍റി സ്ഥാനാർത്ഥിയാകുക.
കോൺഗ്രസ് മണ്ഡലം വൈസ് പ്രസിഡന്‍റായിരുന്ന ജിബി പാത്തിക്കൽ ആണ് പെരുമ്പാവൂരിൽ എൻഡിഎ സ്ഥാനാർത്ഥി. വോട്ടേഴ്സ് ലിസ്റ്റിൽ പേരില്ലാത്തതിനാൽ ലക്ഷ്മിപ്രിയയെ ഒഴിവാക്കുകയായിരുന്നു. യാക്കോബായ സഭ മാനേജിങ് കമ്മിറ്റി അംഗവും യൂത്ത് അസോസിയേഷൻ പെരുമ്പാവൂർ മേഖലയുടെ ഭാരവാഹിയും ആണ് ജിബി.
പെരുമ്പാവൂരിൽ കോൺഗ്രസിന് വീണ്ടും തിരിച്ചടിയായിരിക്കുകയാണ് ജിബിയുടെ സ്ഥാനാർത്ഥിത്വം. ട്വന്‍റി ട്വന്‍റി നേതാവ് സാബു ജേക്കബ്ബ് ആണ് ഇവരുടെ സ്ഥാനാര്‍ത്ഥിത്വം കഴിഞ്ഞ ദിവസം പ്രഖ്യാപിച്ചത്. അതിന് ശേഷമാണ് വോട്ടര്‍പട്ടികയില്‍ ലക്ഷ്മിപ്രിയയ്‌ക്ക് വോട്ടില്ലെന്ന വിവരം അറിയുന്നത്.
