തിരുനാവായ: ഭാരതപ്പുഴയുടെ ഇരുകരകളിലായി നടന്ന മഹാമാഘ മഹോത്സവത്തിന്അമൃത സ്നാനത്തോടെ ഇന്ന് കൊടിയിറങ്ങും. ഒരേ മനസോടെ ഭക്തലക്ഷങ്ങള്‍ പങ്കുചേര്‍ന്ന മഹോത്സവം സമാപിക്കുമ്പോള്‍ ഭാരതപ്പുഴയുടെ തീരം ആത്മീയ ഉണര്‍വിന്റെയും ഹൈന്ദവധര്‍മ ബോധത്തിന്റെയും സാക്ഷിയാവും.
മകം നക്ഷത്രം, ദ്വിതീയ തിഥി എന്നീ അത്യന്തം ശുഭയോഗങ്ങളോടെയാണ് സമാപനം. ഇന്ന് രാവിലെ എട്ട് മുതല്‍ ആരതി ഘാട്ടില്‍ അമൃതസ്നാനം. നാഗ സന്ന്യാസിവര്യന്മാര്‍ ഉള്‍പ്പെടെയുള്ള സന്യാസിമാരും ആയിരക്കണക്കിന് ഭക്തജനങ്ങളും സ്നാനത്തില്‍ അണിനിരക്കും. വൈകിട്ട് നിള ആരതിയോടെതിരുനാവായയിലേയും തവനൂരിലേയും മഹാമാഘത്തിന്റെ ചടങ്ങുകള്‍ പൂര്‍ത്തിയാവും.
ഇന്ന് തിരുനാവായയില്‍ അമൃത സ്നാനത്തെ തുടര്‍ന്ന് യതിപൂജ നടക്കും. പിന്നീട് ഭണ്ഡാര എന്ന വിശിഷ്ട ആചാരം. സംന്യാസിവര്യന്മാര്‍ക്ക് അന്നദാനം നടത്തുന്ന ചടങ്ങാണിത്. തവനൂരില്‍ അമൃത സ്നാനത്തിന് ശേഷം ത്രിമൂര്‍ത്തി സംഗമ സ്ഥലത്ത് ലക്ഷദീപ സമര്‍പ്പണവും നടക്കും.
