സംഗീതസംവിധായകൻ അനിരുദ്ധും സൺ ഗ്രൂപ്പ് ചെയർമാൻ കലാനിധി മാരന്റെ മകളും സൺറൈസേഴ്‌സ് ഹൈദരാബാദ് സഹ ഉടമയുമായ കാവ്യ മാരനും വിവാഹിതരാകുന്നതിനുള്ള ഒരുക്കങ്ങളുടെ വിവരങ്ങളാണിപ്പോൾ സോഷ്യൽമീഡിയയിൽ നിറയുന്നത്. നവംബർ 11ന് ഗ്രീസിൽ വെച്ചാണ് അടുത്ത ബന്ധുക്കളുടെയും സുഹൃത്തുക്കളുടെയും മാത്രം സാന്നിധ്യത്തിൽ ഈ താരവിവാഹം നടക്കാൻ പോകുന്നത്.
നാല് വിമാനത്തിലായാണ് ഇരുകുടുംബങ്ങളും ക്ഷണിക്കപ്പെട്ട അതിഥികളും ഗ്രീസിലേക്ക് പോകുന്നത്.ഒരു വിമാനത്തിൽ 200 പേരെ ഉൾക്കൊള്ളിക്കാനാകും. വിവാഹത്തിന് മാത്രമായി നൂറ് കോടിയാണ് ഇരു കുടുംബങ്ങളും ചേർന്ന് ചിലവഴിക്കാൻ പോകുന്നത്. അതിഥികളെ വിമാനത്തിൽ ഗ്രീസിൽ എത്തിക്കാനും അവിടെ താമസത്തിനും ഭക്ഷണത്തിനും മാത്രമായി പത്ത് കോടി ചിലവുണ്ട്. നാല് വിമാനമാകുമ്പോൾ ചിലവ് 40 കോടിയാകും. പഞ്ചനക്ഷത്ര ഹോട്ടലിലാണ് ഗസ്റ്റിനുള്ള സൗകര്യങ്ങൾ ഒരുക്കിയിരിക്കുന്നത്. ഒരാഴ്ച നീളുന്ന വിവാഹ ചടങ്ങുകളാണ്.
ഒരാൾക്ക് മാത്രം ചിലവ് 35 ലക്ഷം രൂപയാണ്. തമിഴ്നാട് മുഖ്യമന്ത്രി അടക്കം എല്ലാവരും ഗ്രീസിലെ വിവാഹ ചടങ്ങിൽ പങ്കെടുക്കാൻ പോകും. ചെന്നൈയിലെ റിസപ്ഷനിലേക്ക് മാത്രമല്ല ഗ്രീസിലെ ഇന്റിമേറ്റ് വെഡ്ഡിങിൽ പങ്കെടുക്കാനും തമിഴ്നാട്ടിലെ സിനിമയിലും രാഷ്‌ട്രീയത്തിലും പ്രവർത്തിക്കുന്ന പ്രമുഖർക്ക് ക്ഷണമുണ്ട്. അതിഥികൾക്ക് സഞ്ചരിക്കാൻ റോൾസ് റോയ്സ് കാറുകളാണ് ഒരുക്കിയിരിക്കുന്നത്.
അതിഥികളെല്ലാം വിവിഐപികളാണ്. അതിനാൽ ചിലവ് നൂറ് കോടിയും കടന്ന് 200 കോടിയാകാനും സാധ്യതയുണ്ട് . വിവാഹം ഗ്രീസിൽ നടത്തിയശേഷം അനിരുദ്ധ്-കാവ്യ മാരൻ വിവാഹ സൽക്കാരം നവംബർ 21ന് ചെന്നൈ അണ്ണാ ശാലൈയിലെ ഐടിസി ഗ്രാൻഡ് ചോള ഹോട്ടലിൽ നടക്കുമെന്നാണ് വിവരം. പ്രധാനമന്ത്രി നരേന്ദ്ര മോദി, വിവിധ സംസ്ഥാനങ്ങളിലെ മുഖ്യമന്ത്രിമാർ, രാഷ്‌ട്രീയ പ്രമുഖർ, സിനിമാ ലോകത്തെ പ്രശസ്ത വ്യക്തികൾ എന്നിവരുൾപ്പെടെയുള്ള വിശിഷ്ടാതിഥികൾ ചടങ്ങിൽ പങ്കെടുക്കാൻ സാധ്യതയുണ്ട്.
