പട്‌ന: രാഹുല്‍ ബീഹാറില്‍ വന്നത് വോട്ടു പിടിക്കാനോ അതോ മീന്‍ പിടിക്കാനോ? പാര്‍ട്ടി അണികളില്‍ നിന്നുതന്നെയാണ് ഈ ചോദ്യം ഉയരുന്നത്. മത്സ്യത്തൊഴിലാളികള്‍ക്കൊപ്പം കളത്തിലിറങ്ങി മീന്‍ പിടിക്കുന്ന രാഹുല്‍ ഗാന്ധിയുടെ വീഡിയോ ക്‌ളിപ്പ് സോഷ്യല്‍ മീഡിയയില്‍ വൈറലായതോടെയാണ് ഈ പരിഹാസ ശരങ്ങള്‍ . ഘടകകക്ഷിയായ വികാസ്ശീല്‍ ഇന്‍സാന്‍ പാര്‍ട്ടിയുടെ നേതാവ് മുകേഷ് സാഹ്നിക്കൊപ്പം പ്രചാരണം നടത്തുന്നതിനിടെയായിരുന്നു രാഹുലിന്‌റെ പതിവ് കലാപരിപാടി. വഴിയോരത്ത് ഒരുകുളം കണ്ടപ്പോള്‍ പ്രചാരണ വാഹനം നിര്‍ത്തിച്ച് ചാടി ഇറങ്ങുകയായിരുന്നു . വള്ളത്തില്‍ കയറി മീന്‍ പിടിക്കാനായി പോവുക മാത്രമല്ല, കുളത്തില്‍ ചാടുകയും ചെയ്തു. വലയെറിഞ്ഞെങ്കിലും മീന്‍ കിട്ടിയതായി വീഡിയോയില്‍ വ്യക്തമല്ല. മല്‍സ്യത്തൊഴിലാളികളുടെ പ്രശ്‌നങ്ങള്‍ പഠിക്കാനാണ് താന്‍ കുളത്തില്‍ ചാടിയതെന്നാണ് രാഹുലിന്‌റെ പക്ഷം.
