കൊൽക്കത്ത : ബംഗാളിൽ 1,000-ത്തിലധികം പൗരത്വ ഭേദഗതി നിയമ (സിഎഎ) ബോധവൽക്കരണ ക്യാമ്പുകൾ ആരംഭിക്കാൻ ബിജെപി. രാജ്യവ്യാപകമായി ആസൂത്രണം ചെയ്യുന്ന വോട്ടർ പട്ടികയുടെ പ്രത്യേക തീവ്ര പരിഷ്കരണ (എസ്‌ഐആർ)ത്തിന് മുന്നോടിയായാണ് ഈ നീക്കം .
പശ്ചിമ ബംഗാളിൽ താമസിക്കുന്ന ബംഗ്ലാദേശിൽ നിന്നുള്ള പീഡിപ്പിക്കപ്പെടുന്ന ഹിന്ദു അഭയാർത്ഥികളെ സിഎഎ പ്രകാരം പൗരത്വത്തിന് അപേക്ഷിക്കാൻ പ്രോത്സാഹിപ്പിക്കാനുള്ള നീക്കത്തിന്റെ ഭാഗമായാണ് ക്യാമ്പുകൾ നടത്തുന്നത് . “ഇത് ആദ്യ ദിവസം മുതൽ ബിജെപിയുടെ അജണ്ടയായിരുന്നു. കോവിഡ് കാരണം നിയമങ്ങൾ രൂപപ്പെടുത്തുന്നതിൽ നേരിയ കാലതാമസം ഉണ്ടായിരുന്നു, പക്ഷേ ഇപ്പോൾ ഞങ്ങൾ തയ്യാറാണ്,” സംസ്ഥാന ബിജെപി പ്രസിഡന്റും എംപിയുമായ സാമിക് ഭട്ടാചാര്യ പറഞ്ഞു.
ബിജെപിക്ക് പുറമേ, മറ്റ് ഹിന്ദു സംഘടനകൾ, രാഷ്‌ട്രീയേതര ഗ്രൂപ്പുകൾ, പ്രാദേശിക വളണ്ടിയർമാരെയും ക്യാമ്പുകൾക്കായി തയ്യാറാക്കും. നാദിയ, നോർത്ത് 24 പർഗാനാസ്, കൂച്ച് ബെഹാർ, ഉത്തർ ദിനാജ്പൂർ തുടങ്ങിയ ജില്ലകളിൽ ശ്രദ്ധ കേന്ദ്രീകരിക്കും.ജനസംഖ്യാ ഘടന ഇതിനകം മാറിയ ബംഗാൾ-ബംഗ്ലാദേശ് അതിർത്തി പ്രദേശങ്ങളിലാണ് ഈ സിഎഎ ക്യാമ്പുകൾ കൂടുതലും സ്ഥാപിക്കുക.
