ഇസ്ലാമബാദ് : താലിബാന് സൈന്യം പാകിസ്ഥാനെതിരെ ശക്തമായ ആക്രമണം അഴിച്ചുവിട്ടതോടെ തോക്കേന്തി പേടിച്ചോടുന്ന പാക് സൈനികരുടെ വീഡിയോ സമൂഹമാധ്യമങ്ങളില് വൈറലാണ്. അഫ്ഗാനിസ്ഥാനിലെ കാബൂളില് കഴിഞ്ഞ ദിവസം വ്യോമാക്രമണം നടത്തിയ പാകിസ്ഥാന്റെ നടപടിയ്ക്കെതിരെ അസിം മുനീറിനെതിരെ ശക്തമായ വിമര്ശനമാണ് ഉയരുന്നത്.
അഫ്ഗാനിസ്ഥാനെ ആക്രമിക്കാന് അസിം മുനീര് മുതിര്ന്നത് ട്രംപിന്റെ വാക്ക് കേട്ടാണെന്നതാണ് പ്രധാന വിമര്ശനം. അസിം മുനീര് ട്രംപിന്റെ പിണിയാളായി മാറിക്കഴിഞ്ഞെന്നും വൈറ്റ് ഹൗസില് ട്രംപ് നല്കിയ ഭക്ഷണം ശരിക്കും സൗജന്യമായി നല്കിയതാണോ അതോ അതിന് കൊടുക്കുന്ന വിലയാണോ അഫ്ഗാനിസ്ഥാനെതിരായ വ്യോമാക്രമണം എന്ന ചോദ്യം ഉയരുകയാണ്.
താലിബാന് സൈന്യത്തിന്റെ ആക്രമണത്തെ തുടര്ന്ന് തോറ്റോടുന്ന പാക് സൈനികരുടെ സമൂഹമാധ്യമങ്ങളില് പ്രചരിക്കുന്ന വീഡിയോ
SHOCKING NEWS 🚨 Pakistani Army soldiers were seen fleeing the border in fear of Afghan forces 😳
Saudi Arabia has also REFUSED to help Pakistan. It calls for restraint.https://t.co/BG5RPQgbcW
— News Algebra (@NewsAlgebraIND) October 12, 2025
കാബൂളില് പാകിസ്ഥാന് നടത്തിയ ആക്രമണത്തിന് പ്രത്യാക്രമണമായി കഴിഞ്ഞ ദിവസം ഡ്യൂറണ്ട് രേഖയിലെ പാകിസ്ഥാന് കേന്ദ്രങ്ങളില് താലിബാന് സേന നടത്തിയ ആക്രമണത്തില് 58 പാക് സൈനികര് കൊല്ലപ്പെട്ടതായി പാകിസ്ഥാന് തന്നെ സമ്മതിച്ചിരുന്നു. അതല്ല, നൂറില് പ്പരം പാക് സൈനികര് കൊല്ലപ്പെട്ടെന്നും റിപ്പോര്ട്ടുകള് ഉണ്ട്.
പാകിസ്ഥാനിലൂടെയാണ് സ്വര്ഗ്ഗത്തിലേക്ക് (സന്നത്ത് അഥവാ ജന്നത്ത്) ഉള്ളവഴിയെന്ന് ഇസ്ലാമിക മതപണ്ഡിതന് സക്കീര് നായിക്ക് പറഞ്ഞ വാക്കുകള് പാകിസ്ഥാനെ പരിഹസിക്കാന് സമൂഹമാധ്യമങ്ങളില് ഉപയോഗിക്കപ്പെടുന്നുണ്ട്. പാക് പട്ടാളക്കാര്ക്ക് ശരിക്കും സ്വര്ഗ്ഗത്തിലേക്കുള്ള വഴിയാണ് താലിബാന് തുറന്നുകൊടുക്കുന്നതെന്നതാണ് ഈ പരിഹാസം.
ലാഹോറിലെ പാതയില് ചോര ഒഴുകുകയാണെന്നും അഫ്ഗാന് സൈനികര് പാക് പട്ടാളത്തെ കൊന്നൊടുക്കുകയാണെന്നും മുന് ജമ്മു കശ്മീര് മുന് ഡിജിപി ശേഷ് പോള് വൈദ് പറയുന്നു. ഇന്ത്യ ഓപ്പറേഷന് സിന്ദൂര് രണ്ടാം ഘട്ടം തുടങ്ങേണ്ട സമയമായെന്നും ഐഎസ്ഐയില് നിന്നും പാക് സൈന്യത്തില് നിന്നും പാകിസ്ഥാനെ മോചിപ്പിക്കണമെന്നുമാണ് ശേഷ് പോള് വൈദ് തന്റെ എക്സ് പോസ്റ്റില് ആവശ്യപ്പെടുന്നത്.
അഫ്ഗാനിസ്ഥാനിലെ കാബൂളില് ആക്രമണം നടത്താന് ട്രംപിന്റെ ഉപദേശപ്രകാരം പാകിസ്ഥാന്റെ വ്യോമമേഖല ഉപയോഗിക്കാന് അസിം മുനീര് അനുമതി നല്കുകയാണെന്ന ശക്തമായ വിമര്ശനം കനക്കുകയാണ്. പാകിസ്ഥാന് സൈനികര് അഫ്ഗാന്-പാക് അതിര്ത്തിയിലെ സൈനികക്യാമ്പില് നിന്നും ഓടിപ്പോകുന്നത് അസിം മുനീറിന്റെ യുദ്ധതന്ത്രത്തിലെ ദൗര്ബല്യമാണ് ചൂണ്ടിക്കാണിക്കപ്പെടുന്ന വിമര്ശനവും ഉയരുന്നുണ്ട്.
അഫ്ഗാനിസ്ഥാനിലെ ഹെല്മണ്ട്, കാണ്ഡഹാര്, പക്തിക, ഖോസ്റ്റ്, സാബൂള്, നംഗര്ഹാര്, കുനാര് പ്രവിശ്യകളില് ശക്തായ ആക്രമണമാണ് പാകിസ്ഥാന് കഴിഞ്ഞ ദിവസം അഴിച്ചുവിട്ടത്. ഇപ്പോള് ഇതിന് താലിബാന് തിരിച്ചടി നല്കിയെന്നാണ് താലിബാന് പ്രതിരോധമന്ത്രി യാക്കൂബ് മുജാഹിദ് അവകാശപ്പെടുന്നത്.
