കൊച്ചി: പെരുമ്പാവൂരില്‍ ഭാര്യയെ ബ്ലേഡ് ഉപയോഗിച്ച് വരഞ്ഞ ഭര്‍ത്താവ് പിടിയില്‍. പെരുമ്പാവൂര്‍ ഇരിങ്ങോള്‍ വെള്ളൂരംകുന്ന് അനൂപ് (46) ആണ് അറസ്റ്റിലായത്.
പെരുമ്പാവൂര്‍ പൊലീസാണ് അനൂപിനെ അറസ്റ്റ് ചെയ്തത്. കോടതിയില്‍ നിന്ന് സംരക്ഷണ ഉത്തരവ് നേടിയതിന്റെ വൈരാഗ്യം മൂലമാണ് അനൂപ് ഭാര്യയെ ആക്രമിച്ചത്.
ഭാര്യയുടെ ഉടമസ്ഥതയിലുള്ള പെരുമ്പാവൂരിലെ തുണിക്കടയില്‍ അതിക്രമിച്ച് കയറി ബ്ലേഡ് കൊണ്ട് മുഖത്ത് വരയുകയായിരുന്നു. കാലിനും വരഞ്ഞു. വ്യാഴാഴ്ച ഉച്ചയ്‌ക്കാണ് സംഭവം.
