മുംബൈ: അനില്‍ അംബാനിയെ വഞ്ചകന്‍ എന്ന പട്ടികയില്‍ ഉള്‍പ്പെടുത്തി ബാങ്ക് ഓഫ് ഇന്ത്യയും. നേരത്തെ സ്റ്റേറ്റ് ബാങ്ക് ഓഫ് ഇന്ത്യയും ഇത് തന്നെ ചെയ്തിരുന്നു.
ബാങ്ക് ഓഫ് ഇന്ത്യ റിലയന്‍സ് കമ്മ്യൂണിക്കേഷന്‍സിന് വേണ്ടി വായ്‌പയായി നല്‍കിയ തുക മറ്റ് ആവശ്യങ്ങളിലേക്ക് വകമാറ്റി ചെലവഴിച്ചതിനെ വിമര്‍ശിച്ചുകൊണ്ടാണ് ബാങ്ക് ഓഫ് ഇന്ത്യയുടെ ഈ പരാമര്‍ശം. 2016ല്‍ ബാങ്ക് ഓഫ് ഇന്ത്യ 700 കോടി രൂപ നല്‍കിയിരുന്നു. പക്ഷെ ഇതിന്റെ നല്ലൊരു പങ്ക് സ്ഥിര നിക്ഷേപമാക്കി മാറ്റുകയായിരുന്നു അനില്‍ അംബാനിയെന്ന് ബാങ്ക് കുറ്റപ്പെടുത്തുന്നു.
ഇതോടെയാണ് സ്റ്റേറ്റ് ബാങ്ക് ഓഫ് ഇന്ത്യ വഞ്ചകന്‍ എന്ന് വിളിച്ചതുപോലെ ബാങ്ക് ഓഫ് ഇന്ത്യയും അനില്‍ അംബാനിക്കും അദ്ദേഹത്തിന്റെ ബാങ്ക് അക്കൗണ്ടിനും ഫ്രോഡ് പദവി ചാര്‍ത്തിക്കൊടുത്തിരിക്കുന്നത്.
