തിരുവനന്തപുരം: ആര്എസ്എസ് ശ്രീകാര്യം ഭാഗിന്റെ ബൗദ്ധിക് പ്രമുഖ് ജി.വൈ. പ്രമോദ്(48) അന്തരിച്ചു.
കാര്യവട്ടത്ത് അലുമിനിയം ഫാബ്രിക്കേഷന് ജോലി ചെയ്യുന്നതിനിടെ ഉച്ചയോടെ ദേഹാസ്വാസ്ഥ്യം അനുഭവപ്പെട്ടതിനെ തുടര്ന്ന് ബൈക്കോടിച്ച് മെഡിക്കല് കോളേജ് ആശുപത്രിയിലേക്ക് പോകുന്നവഴി ഇളങ്കാവ് ഭഗവതി ക്ഷേത്രത്തിന് സമീപം വച്ച് ബൈക്ക് മറിഞ്ഞ് റോഡിലേക്ക് വീണു. ഉടന് തന്നെ നാട്ടുകാര് ആംബുലന്സില് ആശുപത്രിയില് എത്തിച്ചപ്പോഴേക്കും മരണം സംഭവിച്ചിരുന്നു.
ബിജെപി കഴക്കൂട്ടം മണ്ഡലം മുന് ജനറല് സെക്രട്ടറി, ആര്എസ്എസ് ധന്വന്തരി നഗര് കാര്യവാഹ്, കോട്ടയം മീനച്ചല് മുന് താലൂക്ക് പ്രചാരകന് എന്നീ നിലകളില് പ്രവര്ത്തിച്ചിട്ടുണ്ട്. പ്രശാന്ത് നഗര് കാട്ടില്വിള വീട്ടില് പരേതരായ ഗോപാലന്, യശോദ ദമ്പതികളുടെ മകനാണ്.
ഭാര്യ പുഷ്പലത പി.വി. മകള് ദേവനന്ദ. സംസ്കാരം ചൊവ്വാഴ്ച വൈകിട്ട് 4ന് ശാന്തി കവാടത്തില്.
