കൊച്ചി: എറണാകുളം തിരുനെട്ടൂര് മഹാദേവര് ക്ഷേത്ര പറമ്പ് വൃത്തിയാക്കുന്നതിനിടെ രണ്ട് മലമ്പാമ്പുകളെ പിടികൂടി. ഉത്സവത്തിന്റെ ഭാഗമായാണ്
പറമ്പ് വൃത്തിയാക്കിയത്.
മണ്ണുമാന്ത്രിയന്ത്രം ഉപയോഗിച്ച് കുളത്തിന് സമീപം പുല്ല് നിറഞ്ഞ പറമ്പ് വൃത്തിയാക്കവെയാണ് പാമ്പുകളെ കണ്ടത്. ഒരെണ്ണത്തിനെ ഇവിടെയുണ്ടായിരുന്ന യുവാക്കള് ചാക്കിലാക്കി.
പുല്ലിനിടയിലേക്ക് മറഞ്ഞ പാമ്പിനെ പാമ്പ് പിടുത്തക്കാരെത്തിയാണ് വലയിലാക്കിയത്. പാമ്പുകളെ വനം വകുപ്പ് ഉദ്യോഗസ്ഥര്ക്ക് കൈമാറും.
