ന്യൂദല്ഹി : ഇറ്റലിയില് നടക്കുന്ന ജി 7 സമ്മേളനത്തില് ഇന്ത്യന് സംഘത്തില്
സുരേഷ് ഗോപിയെപ്രതിനിധിയായി ഉള്പ്പെടുത്തി.. ഈ മാസം 13 മുതല് 15 വരെയാണ് സമ്മേളനം.
പാര്ലമെന്റ്ിന്റെ ശീതകാല സമ്മേളനത്തില് ആഴ്ചയില് നാല് ദിവസം റോസ്റ്റര് ചുമതല വഹിക്കാനും സര്ക്കാര് നിര്ദ്ദേശിച്ചതായാണ് അറിയുന്നത്. നേരത്തേ പ്രധാനമന്ത്രി നരേന്ദ്രമോദിയുമായി സുരേഷ് ഗോപി ചര്ച്ച നടത്തി.
ഒറ്റക്കൊമ്പന് സിനിമയ്ക്ക് വേണ്ടി താടി വളര്ത്തിയ സുരേഷ് ഗോപി താടി വടിച്ച് സാമൂഹ്യമാധ്യമത്തില് ഫോട്ടോ ഇട്ടിരുന്നു. ഇതോടെ സിനിമ ഇനിയും നീളുമെന്ന സൂചനയാണ് നല്കുന്നത്. 2020ല് പ്രഖ്യാപിച്ച ഒറ്റക്കൊമ്പന് സുരേഷ് ഗോപിയുടെ ഇരുന്നൂറ്റി അമ്പതാമത്തെ ചിത്രം എന്ന നിലയില് വലിയ ശ്രദ്ധ പിടിച്ചു പറ്റിയിരുന്നു.
