തിരുവനന്തപുരം : കമ്പിവേലിയില്‍ നിന്ന് വൈദ്യുതാഘാതമേറ്റ് തൊഴിലുറപ്പ് തൊഴിലാളിക്ക് ദാരുണാന്ത്യം. തിരുവനന്തപുരം അഞ്ചരവിള സ്വദേശി വത്സമ്മ (67) ആണ് മരിച്ചത്.
മലയിന്‍കീഴ് സ്വദേശിയുടെ ഉടമസ്ഥതയിലുള്ള കോഴിഫാമില്‍ വച്ചാണ് ഷോക്കേറ്റത്. കോഴിഫാമില്‍ ഇഴജന്തുക്കള്‍ കടക്കാതിരിക്കാന്‍ കമ്പിവേലിയില്‍ വൈദ്യുതി ഘടിപ്പിച്ചിരുന്നു.
തൊഴിലുറപ്പ് ജോലിക്കായാണ് മലയീന്‍കീഴ് സ്വദേശിയുടെ ഉടമസ്ഥതയിലുള്ള കോഴിഫാമില്‍ വത്സല ഉള്‍പ്പെടെ തൊഴിലാളികള്‍ എത്തിയത്. എന്നാല്‍ വൈദ്യുതി ബന്ധമുളളത് അറിയാതെ സമീപത്തെ കമ്പിവേലിയില്‍ പിടിച്ചതോടെ വൈദ്യുതാഘാതമേല്‍ക്കുകയായിരുന്നു. ഉടന്‍ നെയ്യാറ്റിന്‍കര ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാന്‍ കഴിഞ്ഞില്ല.. മൃതദേഹം പോസ്റ്റുമോര്‍ട്ടത്തിന് ശേഷം ബന്ധുക്കള്‍ക്ക് വിട്ട് നല്‍കും.
.
