ശ്രീനഗര്‍: കത്വയില്‍ അടുത്തിടെയുണ്ടായ ഭീകരാക്രമണവുമായി ബന്ധപ്പെട്ട് രണ്ട് പേര് അറസ്റ്റില്‍.ഭീകരരെ സഹായിച്ചവരെയാണ് പൊലീസ് പിടികൂടിയത്.
ലിയാഖത്ത് അലി, മൂല്‍ രാജ് എന്നിവരാണ് അറസ്റ്റിലായത്.അഞ്ച് സൈനികര്‍ കൊല്ലപ്പെടുകയും അഞ്ച് സൈനികര്‍ക്ക് പരിക്കേല്‍ക്കുകയും ചെയ്ത ഏറ്റുമുട്ടലില്‍ ഭീകരരെ സഹായിച്ചവരാണ് ഇവര്‍.
പിടിയിലായവര്‍ക്കെതിരെ ഭീകരവിരുദ്ധ നിയമപ്രകാരം പൊലീസ് കേസെടുത്തു. കത്വ ജില്ലയിലെ ബിലാവര്‍, മല്‍ഹാര്‍ വാസികളാണ് ഇവര്‍. ആക്രമണത്തിന് പിന്നാലെ പൊലീസ് 100ഓളം പേരെ കസ്റ്റഡിയിലെടുത്ത് ചോദ്യം ചെയ്തിരുന്നു.
