കോട്ടയം: മുഖ്യമന്ത്രി പിണറായി വിജയന് അല്പം വെളിവ് വീണിട്ടുണ്ടോ എന്നൊരു സംശയം. കനത്ത അടി കിട്ടുമ്പോള്‍ ചിലപ്പോള്‍ അങ്ങിനെയാണ് ചിലപ്പോള്‍ ബോധം പോകും. ബോധമില്ലാത്തവര്‍ക്ക് ചിലപ്പോള്‍ തിരികെ കിട്ടുകയും ചെയ്യും. ഇതിപ്പോള്‍ അടി കിട്ടിയപ്പോള്‍ അല്‍പ്പം ബോധം തിരികെ കിട്ടിയ അവസ്ഥയിലാണ്.
ജനവിധി അംഗീകരിച്ചും ആഴത്തില്‍ പരിശോധിച്ചും തിരുത്തല്‍ വരുത്തിയും സര്‍ക്കാര്‍ കൂടുതല്‍ മികവോടെ പ്രവര്‍ത്തിക്കും എന്നാണ് പിണറായി വിജയന്റെ ഭീഷണി. പോരായ്‌മകള്‍ കണ്ടെത്തി പരിഹരിക്കുമത്രെ. ജനങ്ങളുടെ തെറ്റിദ്ധാരണ മൂലമാണ് പാര്‍ട്ടിക്ക് പരാജയം ഉണ്ടായതെന്നും തെറ്റിദ്ധാരണ നീക്കാന്‍ ശ്രമിക്കുമെന്നും മുഖ്യമന്ത്രി പറയുന്നുണ്ട്. ഏതായാലും ഇത്രയൊക്കെ തിരിച്ചറിവുണ്ടായത് തന്നെ ഭാഗ്യം. ജനങ്ങളും മാധ്യമങ്ങളും കാണിക്കുന്ന ചെറ്റത്തരത്തിന് ഞാനെന്തു സ്വയം വിമര്‍ശനം നടത്താനാണെന്ന് ആഴ്ചകള്‍ക്കുമുന്നേ റിപ്പോര്‍ട്ടര്‍ ചാനലിലെ നികേഷ് കുമാറിനോടു മുഖത്തു നോക്കി പറഞ്ഞ കക്ഷിയാണിത്. കഴിഞ്ഞ ലോക്‌സഭാ തെരഞ്ഞെടുപ്പില്‍ പരാജയപ്പെട്ടപ്പോഴും ഇതേ നിലയില്‍ തന്നെ തന്റെ ശൈലി തുടരുമെന്നും ഒരു മാറ്റവും ഉണ്ടാവില്ലെന്നും വീമ്പിളക്കുകയും ചെയ്തിരുന്നു. അതില്‍ നിന്നൊക്കെ ഏറെ മാറ്റം പിണറായിക്ക് ഉണ്ടായതില്‍ അണികള്‍ക്കെങ്കിലും ആശ്വസിക്കാം.
എന്നാല്‍ പാര്‍ട്ടി സെക്രട്ടറി എം.വി.ഗോവിന്ദന്‍ തത്വജ്ഞാനിയാവുകയാണുണ്ടായത്. പരാജയത്തെ താത്വികമായി വിലയിരുത്തി ആശ്വാസം കണ്ടെത്തുകയാണ് അദ്‌ദേഹം. ലോക്‌സഭാ തെരഞ്ഞെടുപ്പ് ഫലം ഇടതുപക്ഷ പ്രസ്ഥാനങ്ങള്‍ക്ക് നല്ല ജീവന്‍ നല്‍കുന്നതാണെന്നാണ് ഗോവിന്ദന്‍സഖാവിന്‌റെ കണ്ടെത്തല്‍. സിപിഎമ്മിന് ഒരു പ്രതിസന്ധിയും ഇല്ല. വിജയും പരാജയവും സ്വാഭാവികം. പരാജയത്തിന്‌റെ അടുത്തഘട്ടം വിജയമാണ്. വിജയത്തിന്റെ ഭാഗമായി നില്‍ക്കുമ്പോഴും പരാജയം ഉണ്ടാകും.. അങ്ങിനെ പോകുന്നു അദ്ദേഹത്തിന്റെ അവലോകനം. താത്വികാചാര്യന്‍ കുമാരപിള്ള സാറിന്‌റെ പുതിയ വേര്‍ഷന്‍!.
ഭാഷക്കൊക്കെ ഒരു ശുദ്ധി വന്നിരിക്കുന്നു! മുഖ്യമന്ത്രിക്ക് അല്പം വെളിവ് വീണോ എന്നൊരു സംശയം
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.