കൊച്ചി: മഴക്കാലം ആസ്വാദ്യകരമാക്കാന് കൊച്ചി വണ്ടര്ലാ സവിശേഷമായ മണ്സൂണ് ഓഫര് അവതരിപ്പിച്ചു. ആദ്യമായി ലഭ്യമാക്കുന്ന ഈ ഓഫര് സ്വന്തമാക്കുന്ന സന്ദര്ശകര്ക്ക് ആഹ്ളാദകരമായ റൈഡുകള്, ഉന്മേഷദായകമായ വാട്ടര് സ്ലൈഡുകള്, നോണ്-സ്റ്റോപ്പ് വിനോദ പരിപാടികള് എന്നിവ ആസ്വദിക്കാന് കഴിയും. വണ്ടര്ലായില് സജ്ജീകരിച്ചിട്ടുള്ള സ്കൈ വീലില് കയറുന്ന അതിഥികള്ക്കായി ദൂരക്കാഴ്ചകളുടെ ആവേശം മാത്രമല്ല, ഒപ്പം ചായയും പക്കോഡയും പഴംപൊരിയുമൊക്കെ അടങ്ങുന്ന ലഘുഭക്ഷണവും വിളമ്പും.
മികച്ച വിനോദാനുഭവം പ്രദാനം ചെയ്യുന്നതില് പ്രതിജ്ഞാബദ്ധരായ കൊച്ചി വണ്ടര്ലാ, സന്ദര്ശകര്ക്ക് ഇതോടനുബന്ധിച്ച് നിരവധി കിഴിവുകളാണ് പ്രഖ്യാപിച്ചിരിക്കുന്നത്. ജൂണ് 1 നും ജൂണ് 9 നുമിടയ്ക്ക് രണ്ടു ടിക്കറ്റ് വാങ്ങിയാല് ഒരു ടിക്കറ്റ് സൗജന്യം എന്ന ഓഫര് ലഭ്യമാകും. ഇങ്ങനെ വാങ്ങുന്ന ടിക്കറ്റുകള്ക്ക് ജൂണ് 30 വരെ കാലാവധി ഉണ്ടാകും. ജൂണ് 1 നും ജൂണ് 9 നുമിടയ്ക്ക് ബുക്ക് ചെയ്യുന്ന 16-24 വയസ് പ്രായമുള്ള വിദ്യാര്ത്ഥികള്ക്ക് മാത്രമായി 2 വാങ്ങിയാല് 2 സൗജന്യം എന്ന ഓഫറുമുണ്ട്. ജൂണ് 30 വരെ ഈ ടിക്കറ്റുകള് ഉപയോഗിക്കാം. ഇത് കൂടാതെ, വണ്ടര് വുമണ് ഓഫര് എന്ന പേരില് ജൂണിലെ എല്ലാ ബുധനാഴ്ചകളിലും സ്ത്രീകള്ക്ക് 2 ടിക്കറ്റ് വാങ്ങിയാല് 2 ടിക്കറ്റ് സൗജന്യം എന്ന ഓഫറും ലഭ്യമാകും.
”ഈ മഴക്കാലത്ത് വണ്ടര്ലയുടെ മാസ്മരികത അനുഭവിക്കാന് എല്ലാവരേയും ക്ഷണിക്കുന്നു. ആഹ്ളാദകരമായ റൈഡുകള് മുതല് സീസണല് ട്രീറ്റുകള് വരെ നല്കുന്നവയാണ് ഞങ്ങളുടെ ഓഫറുകള്. എല്ലാ പ്രായത്തിലുമുള്ള സന്ദര്ശകരെ ആകര്ഷിക്കുന്നതിനും ആനന്ദിപ്പിക്കുന്നതിനുമായി രൂപകല്പ്പന ചെയ്തതാണ് ഈ പുതിയ എക്സ്ക്ലൂസീവ് മണ്സൂണ് ഓഫര്. ഇതിലൂടെ കുടുംബങ്ങളെയും സുഹൃത്തുക്കളെയും ഒരുമിച്ച് കൊണ്ടുവന്ന് സന്തോഷകരവും അവിസ്മരണീയവുമായ ഒരു അനുഭവം സൃഷ്ടിക്കുക എന്നതാണ് ഞങ്ങളുടെ ലക്ഷ്യം,” വണ്ടര്ലാ ഹോളിഡേയ്സ് ലിമിറ്റഡ് മാനേജിംഗ് ഡയറക്ടര് അരുണ് കെ. ചിറ്റിലപ്പിള്ളി പറഞ്ഞു.
മഴ ആസ്വദിക്കുന്നതിനൊപ്പം പ്രിയപ്പെട്ടവരുമായി മറക്കാനാവാത്ത ഓര്മ്മകള് സൃഷ്ടിക്കുവാന് അവസരമുണ്ടാക്കുക എന്ന ലക്ഷ്യമാണ് വണ്ടര്ലായ്ക്ക് ഉള്ളത്. ഓണ്ലൈന് പോര്ട്ടല് വഴി എന്ട്രി ടിക്കറ്റുകള് മുന്കൂട്ടി ബുക്ക് ചെയ്യാവുന്നതാണ്. സന്ദര്ശകര്ക്ക് കൗണ്ടറുകളില് നിന്ന് നേരിട്ടും ടിക്കറ്റുകള് വാങ്ങാം. കൊച്ചി വണ്ടര്ലായെ ബന്ധപ്പെടാന് 0484-3514001, 7593853107 എന്നീ നമ്പറുകളില് വിളിക്കാം.
