കോഴിക്കോട്: ജില്ലാ ജയിലില് തടവുകാരും ജയില് ഉദ്യോഗസ്ഥരും തമ്മില് ഏറ്റുമുട്ടിയതില് മൂന്ന് ജയില് ഉദ്യോഗസ്ഥര്ക്കും രണ്ട് തടവുകാര്ക്കും പരിക്കേറ്റു. തിങ്കളാഴ്ച സബ് ജയിലില് നിന്ന് ജില്ലാ ജയിലിലേക്ക് മാറ്റിയ തടവുകാരും ജയില് ഉദ്യോഗസ്ഥരുമാണ് ഏറ്റുമുട്ടിയത്.
സന്ദര്ശന സമയം കഴിഞ്ഞതിനാല് പ്രതികളെ കാണാന് ബന്ധുക്കളെ അനുവദിച്ചിരുന്നില്ല. ഇത് തടവുകാരും ഉദ്യോഗസ്ഥരും തമ്മില് വാക്കേറ്റത്തിന് കാരണമായി.
ഇത് കയ്യാങ്കളിയിലേക്ക് മാറുകയായിരുന്നു. പരിക്കേറ്റ അഞ്ച് പേരെയും കോഴിക്കോട് ജനറല് ആശുപത്രിയില് പ്രവേശിപ്പിച്ചു. തടവുകാര്ക്കെതിരെ ജയില് ഉദ്യോഗസ്ഥരെ ആക്രമിച്ചതിന് കേസെടുക്കുമെന്നാണ് അറിയുന്നത്.
