കോട്ടയം: മീഡിയാവണ്‍ ചാനല്‍ ഹെഡ് പ്രമോദ് രാമന്റെ കുത്തിത്തിരിപ്പ് പൊളിച്ച് കൈയില്‍ കൊടുത്ത് കോട്ടയത്തെ എന്‍.ഡി.എ സ്ഥാനാര്‍ത്ഥി തുഷാര്‍ വെള്ളാപ്പള്ളി. ‘പിന്നാക്ക വിഭാഗങ്ങളടെ താല്‍പര്യ സംരക്ഷണത്തിനായി രൂപീകരിച്ച താങ്കളുടെ പാര്‍ട്ടിക്ക് സവര്‍ണ ഫാസ്റ്റിസ്റ്റുകളുടെ പാര്‍ട്ടിയായ ബി.ജെ.പിയോട് ചേര്‍ന്നു നില്‍ക്കാന്‍ കഴിയുന്നു എന്നത് എന്നെ അത്ഭുതപ്പെടുത്തുന്നു’ എന്നാണ് പ്രമോദ് ആദ്യം പ്രതികരിച്ചത്.
‘അത് മീഡിയ വണ്‍ ചാനലായതുകൊണ്ട് തോന്നുന്നതാണെ’ന്നായിരുന്നു തുഷാറിന്റെ എടുത്തടിച്ച പോലുള്ള മറുപടി. ‘ഇവിടത്തെ ബി.ജെ.പി നേതാക്കള്‍ സവര്‍ണരാണെന്നുപറയാന്‍ നിങ്ങള്‍ക്ക് എങ്ങനെ കഴിയുന്നു? അങ്ങനെയാണെങ്കില്‍ ഇവിടുത്തെ സംസ്ഥാന പ്രസിഡണ്ട് ആരാണ്? ഇവിടത്തെ മന്ത്രി ആരാണ്? പ്രധാനമന്ത്രി ആരാണ്? ഇന്ത്യന്‍ പ്രസിഡണ്ട് ആരാണ്? ഈ ചോദ്യങ്ങള്‍ക്ക് നിങ്ങള്‍ക്ക് എന്താണ് ഉത്തരം.
വെറുതെ വളച്ചൊടിക്കേണ്ട കാര്യം എന്താണ്’ എന്നൊക്കെ തുഷാര്‍ തിരിച്ചു ചോദിച്ചതോടെ പ്രമോദിന് ഉത്തരംമുട്ടി. ഇതോടെ അദ്ദേഹം കിടന്നുരുളാന്‍ തുടങ്ങി. വ്യക്തമായ വസ്തുതകളുടെ അടിസ്ഥാനത്തിലാണ് സംസാരിക്കുന്നതെന്നായി പ്രമോദ്. എന്താണ് വസ്തുത എന്ന് ആവര്‍ത്തിച്ചു ചോദിച്ചിട്ടും പ്രമോദ് പറഞ്ഞില്ല. ഒടുവില്‍ തടിയൂരന്‍ വേണ്ടി പ്രമോദ് പറഞ്ഞ് അവസാനിപ്പിച്ചത് ഇങ്ങനെയാണ്: ‘ഡോണ്ട് വറി’.
എന്നാല്‍ തുഷാര്‍ അതില്‍ കയറിപ്പിടിച്ചു. ‘എനിക്കൊരു വറിയുമില്ല നിങ്ങള്‍ക്ക് ഉണ്ടെങ്കിലേ ഉുള്ളൂ’ എന്നായി തുഷാര്‍. ഇതോടെ മൈക്കുമായി പ്രമോദ് സ്ഥലം വിട്ടു
