ഗുരുവായൂര്‍: ഗുരുവായൂര്‍ ഇരിങ്ങ പുറത്ത് ബിജെപി പ്രവര്‍ത്തകനെ സിപിഎമ്മുകാര്‍ ആക്രമിച്ചു. കോട്ടപ്പടിയില്‍ പച്ചക്കറി വ്യാപാരം നടത്തുന്ന പണിക്കാശ്ശേരി വീട്ടില്‍ പ്രദീപിന് നേരെയാണ് സിപിഎം അക്രമം അഴിച്ചുവിട്ടത്. ഗുരുതരമായ പരുക്കുകളോടെ പ്രദീപിനെ ചാവക്കാട് താലൂക്ക് ആശുപത്രിയില്‍ പ്രവേശിപ്പിച്ചു.
എന്‍ഡിഎ സ്ഥാനാര്‍ത്ഥി സുരേഷ് ഗോപിയുടെ പോസ്റ്ററുകള്‍ കീറുന്നത് അതുവഴി വന്ന പ്രദീപ് കണ്ടപ്പോള്‍, അത് ചോദ്യം ചെയ്തതിനാണ് മൂന്നോളം പേര് ചേര്‍ന്ന് പ്രദീപിനെ ആക്രമിച്ചത്. പ്രദീപിനെ അക്രമിച്ചതിന് ഗുരുവായൂര്‍ പോലീസില്‍ പരാതി നല്‍കിയിട്ടുണ്ട്. അക്രമത്തില്‍ പ്രതിഷേധിച്ച് ഇന്നലെ കോട്ടപ്പടി ജംഗ്ഷന്‍ മുതല്‍ ഇരിങ്ങപ്പുറം വരെ ബിജെപി പ്രവര്‍ത്തകര്‍ പ്രതിഷേധ പ്രകടനം നടത്തി.
പ്രതിഷേധ പ്രകടനത്തില്‍ 200 ലേറെ പേര് പങ്കെടുത്തു. ബിജെപി ഗുരുവായൂര്‍ നിയോജകമണ്ഡലം പ്രസിഡന്റ് അനില്‍ മഞ്ചറമ്പത്ത് നേതൃത്വം നല്‍കി.
