ന്യൂഡല്‍ഹി: ജമ്മു കശ്മീര്‍ നാഷണല്‍ ഫ്രണ്ടിനെ (ജെകെഎന്‍എഫ്) നിരോധിച്ച് കേന്ദ്ര സര്‍ക്കാര്‍. അഞ്ച് വര്‍ഷത്തേക്കാണ് നിരോധനം. നിയമവിരുദ്ധ പ്രവര്‍ത്തനങ്ങള്‍ തടയാനുള്ള നിയമത്തിന്റെ കീഴിലാണ് നിരോധനം. നയീം അഹമ്മദ് ഖാന്റെ നേതൃത്വത്തിലാണ് സംഘടനയാണ് ജെകെഎന്‍എഫ്.
‘ജമ്മു കശ്മീര്‍ നാഷണല്‍ ഫ്രണ്ടിനെ നിരോധിത സംഘടനയായി ഇന്ന് മോദി സര്‍ക്കാര്‍ പ്രഖ്യാപിച്ചു” കേന്ദ്ര ആഭ്യന്തരമന്ത്രി അമിത് ഷാ സോഷ്യല്‍ മീഡിയ പ്ലാറ്റ്‌ഫോമായ എക്‌സില്‍ കുറിച്ചു.
The Modi government today declared Jammu and Kashmir National Front as an Unlawful Association.
The outfit was found carrying out secessionist activities to sever Jammu and Kashmir from Bharat and supporting terrorism, challenging the sovereignty, security, and integrity of the…
— Amit Shah (@AmitShah) March 12, 2024
‘രാജ്യത്തിന്റെ പരമാധികാരത്തെയും സുരക്ഷയെയും അഖണ്ഡതയെയും വെല്ലുവിളിച്ച് ജമ്മു കശ്മീരിനെ ഭാരതത്തില്‍ നിന്ന് വേര്‍പെടുത്താനും തീവ്രവാദത്തെ പിന്തുണയ്‌ക്കാനും വിഘടനവാദ പ്രവര്‍ത്തനങ്ങള്‍ സംഘടന നടത്തുന്നതായി കണ്ടെത്തി. ഭാരതത്തിലെ ജനങ്ങളുടെ സുരക്ഷ ഉറപ്പാക്കാന്‍ തീവ്രവാദ ശക്തികളെ പിഴുതെറിയാന്‍ ഞങ്ങള്‍ പ്രതിജ്ഞാബദ്ധരാണ്, ‘ അമിത് ഷാ കൂട്ടിച്ചേര്‍ത്തു.
